Թուրք բլոգեր. «100 տարի է չենք ասել ցեղասպանություն, որովհետև մեզ դպրոցներում ուրիշ բան էին սովորեցնում»

Ցեղասպանություն08:31, 23 Ապրիլ 2014

Թուրք բլոգեր. «100 տարի է չենք ասել ցեղասպանություն, որովհետև մեզ դպրոցներում ուրիշ բան էին սովորեցնում»

Թուրքիայի քաղաքացի, բլոգեր Սենան Փորթերոնը համալսարանական կրթության տարիներին կտրվել է քննություններից 1915 թվականի դեպքերը ցեղասպանություն անվանելու համար: Այդ մասին նա պատմել է թուրքական «Ռադիքալ» թերթի իր բլոգում հրապարակած «Առերեսվել 1915-ի հետ» հոդվածում: Փորթերոնը պատմում է, թե ինչպես էր պատմության դասախոսը համառորեն ցանկանում, որ ուսանողներն իր պես մտածեն: Դասերի ժամանակ անընդհատ ասում էր, թե 1915-ին ցեղասպանություն չի եղել, դա հեքիաթ է: Այդ ամենը Թուրքիան վարկաբեկել ցանկացող ուժերն տարածած սուտն է:

«Եվ այս ամենն ասողը դասախոս էր ու պատմաբան: Բայց մի՞թե պատմությունն այդպես են դասավանդում,- գրում է բլոգերը: - 100 տարի է, ինչ չասեցինք «1915-ին ցեղասպանություն է եղել»: Չասեցինք, քանի որ դպրոցներում մեզ այլ բաներ են սովորեցրել: Մենք սովոր ենք պատմությանը նայել ազգայնականի աչքերով և չասել, թե 1915-ի եղել է ցեղասպանություն»:

Հոդվածի հեղինակը շեշտում է, որ հերթական ապրիլ 24-ն է գալիս, ու գրեթե 100 տարի է, ինչ Թուրքիան չի առերեսվել իր անցյալի հետ: Ըստ նրա` տարիներ շարունակ Թուրքիան տեսակ-տեսակ կեղծիքների ու ստերի գնով փորձել է թաքցնել Հայոց ցեղասպանությունը որպես եղելություն: Դեռ մի բան էլ հայերին է փորձել ներկայացնել ստախոս ու միշտ խուսափել է պատմության հետ առերեսվելուց:

Փորթերոնը հիշեցնում է, որ Ռաֆայել Լեմքինը ցեղասպանությունների կանխարգելման կոնվենցիան մշակելիս հիմք է ընդունել 1915-ի թվականի Հայոց ցեղասպանությունը: Հիշեցնում է, որ այդ կոնվենցիայի տակ իր ստորագրությունն է դրել նաև Թուրքիան: Թվարկելով կոնվենցիայի 5 դրույթները` Փորթերոնն ամփոփում է.

«Բնավ կարիք չկա բարձր քաղաքականություն վարել»: Հերիք է միայն կարդալ Ցեղասպանությունը վերապրածների հուշերը... 1915-ին եղել է ցեղասպանություն»:

Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։