Հասարակական15:15, 23 Ապրիլ 2014
Թուրքահայ գործիչները մեկնաբանում են Էրդողանի ուղերձը
Թուրքիայի վարչապետ Ռեջեփ Թայիփ Էրդողանի ապրիլքսանչորսյան ուղերձին
արձագանքել են ազգությամբ հայ Թուրքիայի քաղաքացի գրող Մասին Քյուրքչուգիլը և
«Ժողովուրդների դեմոկրատական կոնգրես»-ի գործադիր խորհրդրի անդամ Գարո Պալյանը:
Թուրքական «Ռադիքալ» պարբերականին տված մեկնաբանությունների մեջ նրանք մատնանշում են Էրդողանի ուղերձի բացասական կողմերը:
Մասիս Քյուրքչուգիլը նկատել է տալիս, որ Էրդողանի հայտարարության մեջ արտացոլված են արտգործնախարար Ահմեթ Դավութօղլուի` ավելի վաղ հնչեցրած մոտեցումները: Ուշագրավ է համարում այն, որ մինչև այժմ իրենց ընդդիմախոսներին «հայրենիքի դավաճան» պիտակավորող իշխանություններն այս անգամ կարծես թե զերծ են մնացել հարձակողական ոճից: Իսկ ուղերձի բովանդակության առումով Քյուրքչուգիլը ոչ մի դրական տեղաշարժ կամ առաջընթաց չի տեսնում:
«Դա կրկնությունն է այն բանի, ինչը Դավութօղլուն դիվանագիտական մեթոդներով
ասել էր»:
Իսկ Գարո Պալյանը նշում է, որ ուղերձի մեջ պահպանվել են Անկարայի ավանդական ժխտողականության տարրերը:
«Պետք է ներկայիս պետության (Թուրքիայի Հանրապետություն – Ermenihaber.am) պատասխանատվության մասին նշող խոսքեր լինեին, բայց ընդամենը կոչ էր արվում անցյալի դեպքերը թողնել պատմաբաններին ու իրավաբաններին»:
Պալյանը նաև նշում է, որ պայքարի առիթ է ստեղծվել Թուրքիայի քաղաքացիական հանրության համար: Այդ պայքարի ճանապարհով դեռ շատ բան կարելի է անել: Կարելի է պահանջել, որ նույն այդ վարչապետի պաշտոնավարության օրոք սպանված Հրանտ Դինքի ու Սևակ Շահինի դատավարությունները չկոծկվեն, փողոցներից ու դպրոցներից հանվի Թալեաթ փաշայի անունը:
Ermenihaber.am
Այս ենթաբաժնի վերջին նորությունները
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Թուրքիայի համար «Ակտիվ ծերացման ինդեքսը» 2024-ին հասել է շուրջ 30-ի:
Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |