ERMENI HABER AJANSI

Օրեր առաջ «Ermenihaber» լրատվականը տեղեկացրել էր ապրիլի 24-ին ընդառաջ Թուրքիայում հրապարակվող երկլեզու (հայերեն և թուրքերեն) «Ակոս» շաբաթաթեթի նախագծի մասին: Այդ նախաձեռնության միջոցով 16  հայտնի սփյուռքահայ գործիչներ նամակով դիմել են թուրք ժողովրդին: Հայ հայտնիների թվում են ռոք երաժիշտ Սերժ Թանկյանը, ռեժիսոր Ատոմ Էգոյանը, գրող Նենսի Գրիգորյանը, դերասանուհի Արսինե Խանջյանը և այլք:

Այժմ «Ակոսը» հրապարակել է այդ գործիչների նամակները, որոնք առանձին-առանձին ներկայացնում ենք ձեր ուշադրությանը:

Ատոմ Էգոյան

Թուրքիոյ Ժողովուրդին

Ես յոգնած եմ իմ զայրոյթէս:

Միշտ հաւատացած էի, որ եթէ դուք հասկնայիք իմ գիտցածներս, ինծի պէս պիտի զգայիք: Պիտի մտածէիք, թէ ալ կը բաւէ, եւ թէ ժամանակն է յաղթահարելու անցեալը:

Բայց եւ այնպէս անկարելի է յաղթահարել:

Ես խոստում մը կատարած եմ – շատ մը հայերու նման – եւ այս ուխտը չեմ կրնար դրժել, քանի որ միշտ պիտի հալածէ զիս:

Ես այս ուխտը պահած եմ տեսնելով բնաջնջումը Քամպոտիոյ մէջ, նախկին Եուկոսլաւիոյ մէջ, Ռուանտայի մէջ... Շատ մը տեղերու մէջ, նոյնիսկ մեր ըսելէն ետք, որ պիտի սորվինք: Մենք երդուած էինք, որ Ցեղասպանութիւն նորէն պիտի չըլլար:

Նաեւ տեսած եմ ձեր քաղաքացիական հասարակութեան յանդգնօրէն ոտքի կանգնիլը եւ ճշմարտութիւնը ըսելը: Ականատեսն եմ, թէ ինչպէս Հրանդ Տինքը սպաննուեցաւ, քանի որ հսկեց այն կտակը, որ իւրաքանչիւր հայ պարտաւորութիւնը ունի պահպանելու:

Մենք երբեք պիտի չխաղաղինք առանց տեսակ մը ճանաչումի, այն հրէշային ոճիրին, որ կը շարունակէ գործել՝ ժխտումի եւ անտարբերութեան միջոցաւ:

Մենք մեզ նուիրած ենք այս հաւատարիմ հսկումին, սակայն ոճիրը կը շարունակէ մնալ բաց վէրք մը ճիշդ այն հողին վրայ, ուր ոճիրը գործուած էր:

Ես սպառած եմ ձեր կառավարութեան սաստիկ ժխտումէն, սպառած եմ յաղթահարել չկարենալէս: Բայց այլ ընտրանք չունիմ բացի այս սպառումը ընդունելէ, անոր փոխարէնին դիմաց:

Ամբողջ դար մը ձեր կառավարութիւնը այս ժխտումը պարտադրած է ձեզի: Երբեք գոյութիւն պիտի չունենան յանձնաժողովները «իրականութիւնը բացայայտնելու» համար, եւ մենք չենք հետաքրքրուած տեսնելու ձեր բաց արխիւները: Մենք իրականութիւնը գիտենք մեծ թիւով ականատեսներու շնորհիւ, մենք տեսած ենք ձեր պատերազմական մեղսակիցներուն արխիւները, լսած ենք իմաստուն խորհուրդը բոլոր աշխարհի ցեղասպանագէտներու եւ ողջակիզումի մասնագէտներու:

Այսօր ձեզմէ միայն կը խնդրեմ, որ ձեր վրան եղածը ընէք, հարցաքննէք ձեր կառավարութեան շարժառիթները, եւ ընդվզիք դիմագրաւելու համար այս կնճռոտ մարտահրաւէրը:

Ermenihaber.am