Քուրդ բլոգեր. «Այն հողերը, որտեղ մենք ապրում ենք, իրականում հայերին են պատկանում»

Հասարակական10:09, 22 Ապրիլ 2014

Քուրդ բլոգեր. «Այն հողերը, որտեղ մենք ապրում ենք, իրականում հայերին են պատկանում»

Քուրդ բլոգեր Հայրի Թունչը թուրքական «Ռադիքալ» թերթի իր բլոգում «Ներողության նամակ հայ ժողովրդին մի քրդից» վերնագրով հոդվածում ներողություն է խնդրում հայ ժողովրդից:

Թունչը հոդվածում վկայություններ է բերում ինչպես Հայոց ցեղասպանության, այնպես էլ Մարաշի կոտորածների մասին՝ նշելով, որ բոլոր կոտորածները նման են իրար:

Միայն զոհերի պատմություններում փոխվում են գործողության վայրը և մարդկանց անունները:

Բլոգերը, երբ առաջին անգամ լսել է Հայոց ցեղասպանության մասին, չի հավատացել: Այն միտքը, որ այդպիսի կոտորած կարող էր լինել, բավական է մարդուն սարսափեցնելու համար: Հետագայում, երբ իմացել է Մարաշի կոտորածների մասին և ուսումնասիրել, հասկացել է, թե մարդը ինչպես էր վայրենի գազանի վերածվում:

«Այս ուսումնասիրությունների ընթացքում իմացա, որ այն հողերը, որտեղ մենք ապրում ենք, իրականում հայերին էին պատկանում: Դա իմ մեջ անտանելի ամոթի զգացում առաջացրեց: Մարդ ինչպե՞ս կարող է հայրենիք կոչել այն հողը, որ ձեռք է բերել կոտորածի միջոցով»,-գրում է Թունչը:

Նա նաև ընդգծում է, որ հայերին սպանելով նրանց բնակավայրերում հաստատվածները երբեք չեն կարողացել երջանիկ լինել և չէին էլ կարող լինել, քանի որ քանդված տան տեղում նոր տուն հնարավոր չէ կառուցել, բնաջնջված մի ժողովրդի հողերի վրա մեկ այլ ժողովուրդ հայրենիք չի կարող ստեղծել:

Ermenihaber.am

Այս ենթաբաժնի վերջին նորությունները

13:28, 04 հուլ

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։