TAA. «Թուրք-ամերիկյան քաղաքացիական հասարակությունը հայկական բանաևի առաջ միայնակ մնաց»

Միջազգային07:00, 12 Ապրիլ 2014

TAA. «Թուրք-ամերիկյան քաղաքացիական հասարակությունը հայկական բանաևի առաջ միայնակ մնաց»

Միացյալ Նահանգներում թուրքական հովանավորությամբ գործող ամենամեծ կազմակերպությունը` «Թուրք-ամերիկյան միությունը» (ԹԱՄ-TAA) իր խորը մտահոգությունն է հայտնել սենատի արտաքին հարաբերությունների հանձնաժողովում ընդունված Հայոց ցեղասպանության ճանաչման և դատապարտման օրինագծի կապակցությամբ:

Կազմակեպության Twitter միկրոբլոգով հայտարարություն է տարածել` ափսոսանք հայտնելով, որ կոնգրեսի և սենատի անդամների հետ տարած իրենց բացատրական աշխատանքներն արդյունք չեն տվել: Հայտարարության մեջ նշված է, որ թուրք-ամերիկյան քաղաքացիական հանրությունը հայկական բանաձևի ընդունմանը խոչընդոտելու իր ջանքերում այս տարի միայնակ է մնացել: Ընդգծված է այն հանգամանքը, որ ԱՄՆ-ում Թուրքիայի նորանշանակ դեսպանը դեռ չի անցել դիվանագիտական առաքելության կատարմանը:

Հիշեցնենք, որ ԱՄՆ սենատի արտաքին հարաբերությունների հանձնաժողովի կողմից հայկական բանաձևի ընդունումը` 12 կողմ 5 դեմ ձայների հարաբերակցությամբ, առաջացրել էր Թուրքիայի դժգոհությունը: Այդ երկրի արտգործնախարարությունը հանդես էր եկել դատապարտող հայտարարությամբ` կարևորելով հայ-թուրքական երկխոսությունը և հայտնելով, որ ցյուրիխյան արձանագրություններում ամրագրված պատմաբանների համատեղ հանձնաժողով ստեղծելու առաջարկը դեռևս օրակարգում է:

Ermenihaber.am