Հասարակական10:50, 10 Ապրիլ 2014
Քեսաբում լսվում են մարդասպանների քրքիջները, «Ալլահ աքբար»-ները. պատմում են Թուրքիա գաղթած սիրիահայերը
Թուրքիայի «Մարդու իրավունքների միություն»-ը (ՄԻՄ) Քեսաբում և շրջակա գյուղերում տեղի ունեցած ողբերգական դեպքերի մասին զեկույց է պատրաստել: Զեկույցում տեղ են գտել Թուրքիային սահմանամերձ սիրիական բնակավայրերից Թուրքիա ներգաղթած ականատես հայերի վկայությունները: ՄԻՄ-ի պատվիրակությունը հանդիպումներ է ունեցել ներգաղթյալ սիրիահայերի հետ և նրանցից տեղեկացել կատարված դեպքերի որոշակի մանրամասների մասին:
Այս մասին հայտնող թուրքական «Օդա TV» լրատվական կայքը նշում է, որ սիրիահայերի պատմածները զարհուրելի են և խիստ մտահոգիչ: Նրանցից մեկը չի ցանկացել, որ իր անունը նշվի զեկույցում, բայց հանգամանորեն պատմել է ողջ եղելությունը:
Տարեց հայ
- Մարտի 21-22-ին մեր գառներին էի արածեցնում սարերում` բանից անտեղյակ: Եկա տուն, տեսա դռները բաց են, իսկ տանեցիները չկան: Ձայն տվեցի, բղավեցի: Մոտեցան ինչ-որ մորուքավոր մարդիկ: Ինձ հետ թուրքերեն և արաբերեն էին խոսում: Հորդորեցին չվախենալ: Ասացին, որ նրանց ապահով վայր են տեղափոխել: Իսկ ինձ ասացին` դու այստեղ մնա: Ուտելու բան բերեցին: Ես և մնացած մյուս ծեր մարդիկս զենքի ձայներից վախենում էինք ու չէինք կարողանում քնել: Գիշերը մորուքավոր այդ մարդիկ եկան ու մեզ տարան մարդաշատ մի տեղ: Մեզ մեր տներից բռնությամբ հանած այդ մորուքավոր հրոսակները թալանեցին մեր տները: Նրանք հագնված էին չեչենի, դաղստանցու, լիբիացու, սուդանցու պես: Խոսում էին արաբերեն, թուրքերեն և անգլերեն: Մեզ հետ վատ չէին վարվում, իսկ ահա ալևիների պարագայում այդպես չէին: Նրանց մորթել, սպանել էին:
Անահիտ Ահոլանյան
- Հորեղբորս հետ մենք 6 ամիս ապրեցինք Հալեպում: Ընդդիմադիրները հարձակվում էին մեր տան վրա: Ստիպված եղանք ձմռանը տեղափոխել Քեսաբ: Բայց այստեղ էլ մեզ հանգիստ չտվեցին: Նրանց խնդրում էինք, ասում էինք` սպանեք մեզ, բայց մի տեղահանեք: Պատասխանում էին` ձեզ չենք սպանի, կտանենք Լաթաքիա:
Մենք ուզում ենք վերադառնալ մեր տները, մեր լեռները: Մեր երեխաների,
բարեկամենրի հետ մեր հողերում հավաքվել: Եթե մեռնելու ենք այնտեղ մեռնենք:
Թուրքիայի միակ հայկական գյուղի` Վաքըֆլըի համայնքապետ Ջեմ Չափարը տեղեկացրել է, որ Սիրիայից ներգաղթել է 21 հայ, որոնք բոլորն էլ տարեց մարդիկ են:
«Այս պահին Քեսաբից արյան ու վառոդի հոտ է գալիս: Մարդկանց դիակներ կան, վայրենություն կա: Լսվում են մարդասպանների քրքիջները, «Ալլահ Աքբար» վանկարկումները: Այս պատերազմի և կոտորածի հեղինակները Թուրքիայի սահմանից են զենքերով, տանկերով և հրթիռներով մտել Քեսաբ` թուրք սահմանապահների աչքի առաջ»,- նշված է ՄԻՄ-ի զեկույցում:
Ermenihaber.am
Այս ենթաբաժնի վերջին նորությունները
Ընտանեկան դատարանը փաստարկել է, որ «միայն կանանց համար սպասման ժամկետի նախատեսումը վնասում է կնոջ և տղամարդու հավասարությունը։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Իսկ 72%-ը չի հավատում, որ ՆԱՏՕ-ն կպաշտպանի Թուրքիային, եթե վերջինիս վրա հարձակվեն:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Թուրքիա-Հայաստան հարաբերությունների կարգավորման գործընթացի հատուկ ներկայացուցիչը Իգդիրում լրագրողների հետ հարցուպատասխանի ժամանակ անդրադարձել է նաև «Զանգեզուրի» գծին։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |