Թուրքիայում հանվել է «Twitter»-ի արգելքը

Հասարակական14:54, 03 Ապրիլ 2014

Թուրքիայում հանվել է «Twitter»-ի արգելքը

Թուրքիայի իշխող «Արդարություն և զարգացում» կուսակցության (ԱԶԿ-AKP) գլխավոր քարտուղար Հալուք Իփեքը հայտարարել է, որ կառավարության հեռահաղորդակցության և կապի վարչության կողմից արգելափակված «Twitter» սոցիալական կայքի հասանելությունը մի քանի ժամից կվերականգնվի: Ավելի վաղ տեղեկացրել էինք, որ Թուրքիայի Սահմանադրական դատարանը որոշում է կայացրել դադարեցնել « Twitter»-ի արգելափակումը:

Դատարանը Twitter-ի արգելափակումը գնահատել է որպես խոսքի ազատություն իրավունքի խախտում: «Twitter»-ի արգելքը հանելու հայցը դատարան ներակայացնողներից մեկը` Ստամբուլի Բիլգի համալսարանի իրավաբանության ֆակուլտետի պրոֆեսոր Յաման Աքդենիզը ասել է, որ սահամանադրական դատարանի որոշումը խոսքի ազատության իրավունքի պաշտպանության տեսակետից պատմական նշանակություն ունի:

Հիշեցնենք, որ մարտի 21ին Թուրքիայում արգելափակվել էր «Twitter» սոցիալական կայքը, այն բանից հետո, երբ վարչապետ Ռեջեփ Թայիփ Էրդողանը ՏԻՄ ընտրությունների նախընտրական քարոզարշավի շրջանակներում Բուրսա քաղաքում հրավիրված հանրահավաքի ժամանակ հայտարարել էր. «Թվիթեր-մվիթեր, այդ ամենը արմատախիլ ենք անելու»:

Ermenihaber.am

Այս ենթաբաժնի վերջին նորությունները

13:28, 04 հուլ

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։