ERMENI HABER AJANSI

Քաղաքական ու սոցիալական հետազոտություններով զբաղվող թուրքական «KONDA» ընկերության տնօրեն Բեքիր Աղըրդըրը խոսել է Թուրքիայի իշխող «Արդարություն և զարգացում» կուսակցության (ԱԶԿ) քաղաքական հեղինակության տատանումների մասին թվերի միջոցով:

Աղըրդըրը նշել է, որ վարչապետ Ռեջեփ Թայիփ Էրդողանի գլխավորած կուսակցութան ամենաբարձր վարկանիշն արձանագրվել է 2013-ի ապրիլին (53 %): Դրանից հետո, երբ տեղի ունեցան Գեզիի հակակառավարական լայնամասշտաբ ցույցերն ու ցնցումները, ԱԶԿ-ի համակիրների զանգվածում նկատվեց պարբերական տատանումներ: Իսկ դեկտեմբերի 17-ին բռնկված կոռուպցիոն սկանդալից հետո ԱԶԿ-ի ընտրազանգվածը նվազեց մինչև 46 տոկոսի: Մանագետի համոզմամբ` ԱԶԿ-ի վարկանիշը շարունակում է դանդաղ անկում ապրել, քանի որ հասարակությունը չի տեսնում իր ակնկալած մեծամասշտաբ փոփոխությունները:

«Այս ընտրություններում «ԱԶԿ»-ից հետո երկրորդ հաղթող քաղաքականա ուժ պետք է համարել քրդական «Խաղաղություն և ժողովրդավարություն» կուսակցությանը (ԽԺԿ), որը 20-21 նահանգներում ՏԻՄ հաջողությունների է հասել»,- ըստ «Դողան» լրատվական գործակալության` կարծիք է հայտնել Բեքիր Աղըրդըրը:

Հիշեցնենք, որ 2014-ի մարտի 30-ին Թուրքիայում կայացած ՏԻՄ ընտրությունների արդյունքում վարչապետ Ռեջեփ Թայիփ Էրդողանի գլխավորած «Արդարություն և զարգացում» կուսակցությունը հաղթել էր մրցակից կուսակցություններին:

Իշխանական ԱԶԿ (Արդարություն և զարգացում կուսակցություն) – 45. 53 %

Ընդդիմադիր ԺՀԿ (Ժողովրդահանրապետական կուսակցություն) – 27. 88 %

Ընդդիմադիր ԱՇԿ (Ազգայնական շարժում կուսակցություն) – 15. 20 %

Քրդական ԽԺԿ (Խաղաղություն և ժողովրդավարություն կուսակցություն) – 4.04 %

Ermenihaber.am