Ամերիկացի վերլուծաբանի անդրադարձը Թուրքիայի ՏԻՄ ընտրություններին

Միջազգային08:51, 01 Ապրիլ 2014

Ամերիկացի վերլուծաբանի անդրադարձը Թուրքիայի ՏԻՄ ընտրություններին

Թուրքիայում մարտի 30-ին անցկացված տեղական ինքնակառավարման մարմինների (ՏԻՄ) ընտրությունների մասին դիտարկումներով է հանդես եկել ամերիկացի վերլուծաբան Բլեյզ Միթչելը: Ըստ նրա` ընտրությունների նախնական արդյունքներից էլ ակնհայտ երևում է, որ Թուրքիան դեռ չի կարողացել դուրս գալ քաղաքական լարվածությունից: Ընտրությունները ցույց տվեցին հասարակության պառակտվածության աստիճանը:

«Նախորդ ՏԻՄ ընտրությունների (2009թ.) համեմատ հանրության քաղաքական կողմնորոշման մեջ քիչ բան է փոխվել, թեև պետք է նկատել, որ այդ աննշան փոփոխությունն էլ հօգուդ ընդդիմության է եղել»,- ընդգծել է Միթչելը: Վերլուծաբանը նկատել է տվել, որ Թուրքիայի վարչապետ Ռեջեփ Թայիփ Էրդողանի հետընտրական ելույթում չի զգացվել հռետորաբանության փափկություն:

«Էրդողանը ավտորիտար մոտեցումներից հետքայլ անելու ոչ մի ազդակ չտվեց»,- նշել է ամերիկացի վերլուծաբանը` հավելելով, որ առաջիկայում դեռ Թուրքիայում կշարունակվի քաղաքական խառնաշփոթությունը:

Հիշեցնենք, որ 2014-ի մարտի 30-ին Թուրքիայում կայացած ՏԻՄ ընտրությունների արդյունքում վարչապետ Ռեջեփ Թայիփ Էրդողանի գլխավորած «Արդարություն և զարգացում» կուսակցությունը հաղթել էր մրցակից կուսակցություններին:

Իշխանական ԱԶԿ (Արդարություն և զարգացում կուսակցություն) – 45. 53 %

Ընդդիմադիր ԺՀԿ (Ժողովրդահանրապետական կուսակցություն) – 27. 88 %

Ընդդիմադիր ԱՇԿ (Ազգայնական շարժում կուսակցություն) – 15. 20 %

Քրդական ԽԺԿ (Խաղաղություն և ժողովրդավարություն կուսակցություն) – 4.04 %

Ermenihaber.am