ERMENI HABER AJANSI

Թուրքիայում կայացած տեղական ինքնակառավարման մարմինների (ՏԻՄ) ընտրությունները դուրս չմնացին միջազգային մամուլի ուշադրությունից:

Financial Times

Նշում է, որ Թուրքիայի վարչապետ Ռեջեփ Թայիփ Էրդողանի հայտարարել է ընտրություններում իր ղեկավարած ուժի հաղթանակի մասին: Այդ հայտարությունը նախազգուշացման տպավորություն է թողնում, թե շուտով խիստ միջոցներ է ձեռնարկելու իր թշնամիների դեմ: Բացի դրանից Էրդողանը նախագահական ընտրություններին պատրաստ լինելու ազդակ է հղում:

Guardian 

Նշում է, որ ՏԻՄ ընտրությունները եղան վարչապետ Էրդողանի ամբոխավարությունը չափող բարոմետր: Էրդողանի ղեկավարած կուսակցության հաղթանակից հետո սպասվում է, որ կգա դաժան հաշվեհարդարների շրջանը:

Washington Post

Նշում է, որ վարչապետ Էրդողանը նպատակադրվել է ՏԻՄ ընտրությունների միջոցով ազատվել կոռուպցիոն սկադնալից:

Telegraph

Նշում է, որ Թուրքիայի իշխող «Արդարություն և զարգացում» կուսակցությունը (ԱԶԿ), չնայած կոռուպցիոն սկանդալներին, ինտերնետի գրաքննությանը և զանգվածային բողոքներին, ՏԻՄ ընտրություններում առաջատար է:

Հիշեցնենք, որ հրապարակված նախնական տվյալների համաձայն` ՏԻՄ ընտրություններում իշխող «Արդարություն և զարգացում» կուսակցությունը ստացել է ընդհանուր ձայների 45, իսկ գլխավոր ընդդիմադիր «Ժողովրդահանրապետական կուսակցությունը» (ԺՀԿ)` 28 տոկոսը:

Ermenihaber.am