Թուրք և օտարազգի մտավորականները բաց նամակով դիմել են Թուրքիային

Միջազգային11:44, 28 Մարտ 2014

Թուրք և օտարազգի մտավորականները բաց նամակով դիմել են Թուրքիային

Գրողների միջազգային միությունը (PEN International) բաց նամակ է հղել թուրքական իշխանություններին և խստորեն դատապարտել, քննադատել սոցկայքերի (Twitter, YouTube) նկատմամբ այդ երկրում կիրառվող գրաքաննությունն ու արգելափակումը: Նամակի տակ իրենց ստորագրությունն են դրել թուրք այլախոհ մտավորականներ Օրհան ամուքը, Էլիֆ Շաֆաքը, Ահմեթ Ալթանը, Ջան Դյունդարը, երիհան Մաղդենը և օտարեկրյա շուրջ 6 տասնյակ գրողներ:

Մտավորականները բաց նամակում իրենց մտահոգությունն են հայտնում Թուրքիայում խոսքի ազատության սահմանափակման կապակցությամբ: Վերջրես համացանցին վերաբերող նոր օրենքների ընդունումը Թուրքիայում և դրանց արդյունքում Twitter-ի ու YouTube-ի արգելափակումը նրանք բնութագրել են որպես հետադիմական քայլ:

«Դա հաղորդակցության ազատության դեմ ուղղված անընդունելի հարձակում է: Twitter, YouTube սոցկայքերն անկախ կրոնական, լրատվական, էթնիկ պատկանելությունից յուրաքանչյուր ինտերնետ-օգտատերի համար իր ձայնը, տեսակետը լսելի դարձնելու գործիքներ են: Չմոռանանք, որ օրինակ Թուրքիայից Twitter միկրոբլոգում գրանցված 12 մլն օգտատեր կա: Մեր խնդրանքը Թուրքիայի ղեկավարներին այս է. հետքայլ մի արեք դեմոկրատիայի հիմնասյուներից մեկի` խոսքի ազատության հարցում: Ընդհակառակը, ճանաչելով միջազգային կոնվենցիաներով ստանձնած պարտավորությունները, վերացրեք սոցկայքերի արգելափակումը»,- ասված է բաց նամակում:

Ermenihaber.am