Արևմտյան մամուլի արձագանքը` Թուրքիայում Twitter-ի արգելափակմանը

Միջազգային13:09, 21 Մարտ 2014

Արևմտյան մամուլի արձագանքը` Թուրքիայում Twitter-ի արգելափակմանը

Թուրքիայի ինտերնետ տիրույթում«Twitter» սոցկայքի արգելափակումը դժգոհության լայն արձագանքներ է գտել արևմտյան մամուլում:

The Washington Post

Ամերիկյան այս պարբերական գրում է, որ կոռուպցիոն սկանդալից հետո ավելացան Թուրքիայի վարչապետ Ռեջեփ Թայիփ Էրդողանի` սոցկայքերին ուղղված սպառնալիքները` հիշեցնելով Էրդողանի «Twiiter-ն արմատախիլ ենք անելու» արտահայտությունը:

The Wall Street Gazetesi

Ընդգծվում է այն հանգամանքը, որ Թուրքիան աշխարհում «Twitter»-ից ամենաշատն օգտվող պետությունների տասնյակում է: «Twitter»-ի արգելափակումը Թուրքիային խցկեց Սիրիայից, Հյուսիսային Կորեայից և Իրանից կազմված ավտորիտար ռեժիմների խմբի մեջ:

Financial Times

Բրիտանական այս պարբերականը հիշեցնում է, որ ավելի վաղ Էրդողանը սպառնում էր արգելկափակել «YouTube»-ը և «FaceBook»-ը: Բացի այդ Էրդողանը որոշ հեռուստաալիքների արգելել էր ցուցադրել կաշառակերության սկանդալի մասին խորհրդարանական քննարկումները:

Guardian Gazetesi

Բրիտանական այս պարբերականը նշում է, որ Էրդողանը հաճախակի էր սկսել խոսել սոցմեդիայի արգելափակման մասին մանավանդ այն բանից հետո, երբ հաջորդաբար ինտերնետում հայտնվեցին նրան վերագրվող գաղտնալսված հեռախոսազրույցներ:

The Times

«Twitter-ը Թուրքիայում արգելափակվեց` հաջորդելով ավտորիտար Էրդողանի այն խոսքերին, ըստ որոնց, իրենք սոցիալական մեդիայի հարթակներն արմատախիլ են անելու»:

Spiegel

«Էրդողանը փակեց Twitter-ը: Սա մտքի ազատության դեմ ուղղված հարձակում է: Նման բան կարող են համարձակվել անել միայն բռնապետները»:

Ermenihaber.am