Քաղաքական08:00, 14 Մարտ 2014
Թուրքիայի արտգործնախարարությունը արձագանքել է Շվեյցարիայի որոշմանը
Թուրքիայի արտաքին գործերի նախարարությունն արձագանքել է Շվեյցարիայի՝ Մարդու
իրավունքների եվրոպական դատարանի (ՄԻԵԴ) վճիռը Գերագույն պալատում բողոքարկելու որոշմանը:
2013 թվականի դեկտեմբերի 17-ին ՄԻԵԴ-ը բավարարել էր թուրքական «Աշխատավորական» կուսակցության
նախագահ Դողու Փերինչեքի հայցն ընդդեմ Շվեյցարիայի: Ըստ Եվրադատարանի որոշման՝ Շվեյցարիան
խախտել էր Դողու Փերինչեքի ազատ արտահայտվելու
իրավունքը, երբ թուրք գործչին դատապարտել էր Հայոց ցեղասպանությունը ժխտելու համար:
Թուրքիայի արտաքին գերատեսչության գրավոր հայտարարության մեջ
նշվում է, որ ՄԻԵԴ-ի որոշումը խոսքի ազատության տեսանկյունից շատ կարևոր է:
Արտգործնախարարությունն ակնկալում է, որ Գերագույն պալատը ևս
կհաստատի, որ ժողորվդավարական հասարակության համար հիմնաքար խոսքի ազատությունը երաշխավորված
է:
Թուրքական «Ուլուսալ քանալ» լրատվական կայքը ներկայացրել է նաև
Եվրասիական հետազոտությունների կենտրոնի նախագահ, պաշտոնաթող դիվանագետ Ալև Քըլըչի
կարծիք ՄԻԵԴ- վճռի բողոքարկման վերաբերյալ:
Վերջինս նշել է, որ Շվեյցարիան բողոքարկել է Եվրադատարանի որոշումը հայկական լոբբիի ճնշման պատճառով:
Նա համոզմունք է հայտնել, որ Գերագույն պալատի որոշումը չի տարբերվի դատարանի որոշումից:
Հիշեցնենք, որ մարտի 11-ին Շվեյցարիայի կառավարությունը
որոշում էր կայացրել դիմել ՄԻԵԴ՝ Դողու Փերինչեքի
գործը Գերագույն պալատի
կողմից վերանայելու պահանջով: Շվեյցարիայի Համադաշնության հրապարակած
հայտարարության մեջ նշվում է, որ ՄԻԵԴ-ի վճիռը բողոքարկելու
որոշումը կայացրել է երկրի
Արդարադատության նախարարությունը:
Հայաստանի արտգործնախարարությունը ողջունել
է Դողու Փերինչեքի գործը բողոքարկելու մասին Շվեյցարիայի
որոշումը:
Ermenihaber.am
Այս ենթաբաժնի վերջին նորությունները
Օրակարգում է եղել ռազմարդյունաբերական համագործակցությունն ու Գազայում տիրող իրավիճակը:
ԱՄՆ Պետդեպի կողմից օգոստոսի 20-ին հրապարակված նամակում նշվել է, որ ԱՄՆ կառավարության բացասական դիրքորոշումը պահպանվում է:
Անկարայում Ինդոնեզիայի դեսպանը նշել է, որ ներկայիս հարաբերություններն ավելի ամուր են, քան երբևէ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Թուրքիայի տրանսպորտի և ենթակառուցվածքների նախարարությունը պատրաստվում է կիրառել «Ես լավ եմ և այստեղ եմ» հաղորդագրությունների համակարգը:
Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |