Հասարակական13:13, 12 Մարտ 2014
Թուրք ոստիկանների կողմից սպանված պատանու հուղարկավորությունը վերածվել է հակակառավարական բողոքի ակցիայի
Թուրքիայում այսօր հողին է հանձնվել նախորդ տարի Գեզիի
հակակառավարական ցույցերի ժամանակ ոստիկանների կիրառած գազային ատրճանակից ծանր
վիրավորված և ամիսներ շարունակ կոմայի մեջ ընկած 15-ամյա Բերքին Էլվանը: Սպանված
պատանու հուղարկավորությունը հանրային բողոքի հսկայական ալիք է բարձրացրել
Ստամբուլում: Օքմեյդան հրապարակում հավաքվել են հազարավոր մարդիկ, ընդդիմադիր
«Ջումհուրիյեթ» թերթի տեղեկություններով` 100 հազարավոր մարդիկ են դուրս եկել
բողոքի, իսկ «Սի էն էն թուրք»-ի տվյալներով` տասնյակ հազարավոր մարդիկ:
Նշենք, որ Բերքին Էլվանի մահով Գեզիի ցույցերի զոհերի թիվը հասավ 6-ի:
Ցուցարարները սգո քայլերթի են դուրս եկել` մասնակցելով պատանու հուղարկավորությանը: Մասնակիցների թվում էն գլխավոր ընդդիմադիր ուժի` «Ժողովրդահանրապետական կուսակցության» (ԺՀԿ-CHP) պատգամավորները: Նրանք մյուսների հետ միասին հնչեցրել են «Մարդասպան պետությունը պատասխան է տալու», «Ֆաշիզմի դեմ` ուս ուսի» կարգախոսները: Սգերթին մասնակցել են Գեզիի ցույցերի ժամանակ սպանված Թուրքիայի քաղաքացիների հարազատները: Մեկ առ մեկ ընթերցվել են բոլոր զոհերի անունները և ոգեկոչվել: Հնչել են վարչապետ Էրդողանի կառավարության հրաժարականի պահանջներ:
Հիշեցնենք, որ նախօրեին պատանու մահվան լուրն առնելուն պես հարյուրավոր ցուցարարներ Բեշիքթաշ թաղամասից Թաքսիմ ցուցարարներ փորձել են բողոքի քայլերթ անցկացնել սակայն ոստիկանությունը նրանց կանգնեցրել է: Երբ ցուցարարները որոշել են շարունակել քայլերթը, ոստիկանությունը կրկին միջամտել է` կիրառելով արցունաքբեր գազ ու ջրցան մեքենաներ: Իսթիքլալ պողոտայում ոստիկանության ու ցուցարարների միջև բախումների ժամանակ նույնիսկ ոստիկանական մեքենան հարվածել է ցուցարարներից մեկին, որը, վնասվածք ստանալով, տեղափոխվել է հիվանդանոց:
Ermenihaber.am
Այս ենթաբաժնի վերջին նորությունները
Եթե 2024-ի հուլիսի դրությամբ Թուրքիա մեկնած հնդիկ տուրիստների թիվը 28.875-էր, ապա 2025-ի նույն ժամանակահատվածում նրանց թիվը կրճատվել է՝ հասնելով 16.244-ի:
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
OECD-ի զեկուցի համաձայն, ընտանիքներին աջակցելու համար հատկացնում է ՀՆԱ-ի ընդամենը 0,5%-ը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |