ERMENI HABER AJANSI

Թուրքիայի խորհրդարանի նախագահ Ջեմիլ Չիչեքը Կանադայի Համայնքների Պալատի (խորհրդարան) խոսնակ Էնդրյու Շիրի հետ հանդիպման ժամանակ անդրադարձել է Կանադայի կողմից  Հայոց ցեղասպանության ճանաչման վերաբերյալ որոշմանը:

Ըստ թուրքական «Անադոլու» լրատվական գործակալության` մասնավորապես ասել է. «Ամենամեծ վիարվորանքն ու անհարգանքը որ կարելի է հասցնել որևէ հասարակության, դա այդ երկրի մարդկանց չգործած ցեղասպանության մեջ մեղադրելն է: Թուրքիան նմանատիպ մեղադրանքների է արժանացել և ցավոք մեղադրանքների համար խորհրդարանները որպես գործիք են օգտագործվում:  Մինչև այսօր որ խորհրդարանի նախագահի հետ էլ որ խոսել եմ, նրանց հետ համաձայնության ենք եկել, որ պատմության ընթացքում տեղի ունեցած դեպքերի վերաբերյալ որոշում կայացնել խորհրդարանների պարտականությունը չէ: Ինչո՞ւ պետք է խորհրդարանները խառնվեն այն հարցերին, որտեղ իրենք անելիք չունեն ու երկրների միջև հարաբերությունները զարգացնելու փոխարեն, խոչընդոտեն դրանց: Պատմական իրադարձությունների վերաբերյալ որոշումներ պետք է կայացնեն պատմաբաններն ու մտավորակնները: 2003 թվականից մինչև այսօր թուրք- կանադական հարաբերություններում մի «կաղ» կողմ կա:  Ձեր խորհրդարանի ընդունած որոշումը մեզ տխրեցրեց»:
Թուրքիայի խոհրդարանի նախագահը հերթական անգամ հերքելով Հայոց ցեղասպանության իրագործման փաստը ասել է. «Մենք պատրաստ են առերեսվել մեր պատմության հետ : Մենք հանցագործություն չենք գործել»:

Ըստ աղբյուրի` Կանադայի Համայնքների Պալատի խոսնակը ասել է, որ հասկանում է հարցի կարևորությունը և դրական գնահատել պատմաբանների համատեղ հանձնաժողով ստեղծելու Թուրքիայի կոչը:

2004 թվականի ապրիլի 21-ին Կանադայի Խորհրդարանի Համայնքների պալատը ձայների 153 կողմ եւ 68 դեմ հարաբերակցությամբ ճանաչեց Հայոց ցեղասպանությունը: Սրանով իսկ ամբողջացավ Կանադայի օրենսդիր մարմնի կողմից Հայոց ցեղասպանության լիակատար իրավական ճանաչումը, քանի որ դեռևս 2002 հունիսի 13-ին Կանադայի խորհրդարանի վերին պալատը՝ Սենատը, ընդունել էր Հայոց ցեղասպանությունը ճանաչող բանաձև:

Ընդունված բանաձևն ամրագրում է. «/Համայնքների/ պալատը ճանաչում է 1915թ.-ի Հայոց ցեղասպանությունը և դատապարտում այն` որպես մարդկության դեմ կատարած ոճրագործություն»:

Ermenihaber.am