Էրդողանի կառավարության ներկայացրած օրինագծերը շարունակում են մտահոգել Եվրոպային

Միջազգային14:02, 20 Փետրվար 2014

Էրդողանի կառավարության ներկայացրած օրինագծերը շարունակում են մտահոգել Եվրոպային

ԵՄ - Թուրքիա համատեղ խորհրդարանական հանձնաժողովի համանախագահ Էլեն Ֆլոթրեն Թուրքիայի նախագահ Աբդուլլահ Գյուլին բաց նամակ է հղել, որտեղ ԵՄ-ում Թուրքիայի ընկերների մտահոգություններն է հայտնել Անկարայից ստացվող լուրերի վերաբերյալ: Ֆլոթրեն իր նամակում խնդրել է համացանցի գրաքննության մասին օրենքը օրերս ստորագրած Գյուլին այս տեսքով չստորագրել Դատավորների ու դատախազների բարձրագույն խորհրդի (ԴԴԲԽ) մասին օրենքը: Ֆլորթեն, ով մտահոգություն է հայտնել նաև գրաքննության մասին օրենքի վերաբերյալ, նշել է, որ ԴԴԲԽ մասին օրենքը իրավական պետության և իշխանությունների բաժանման տեսանկյունից հետքայլ է:

Թուրքական «Արջա աժանս» լրատվական կայքի հաղորդմամբ՝ Ֆլոթրեն նամակում ասել է. «Մի շարք եվրոպական հաստատություններ մեջլիսի կողմից ընդունված և ձեր ստորագրմանը ներկայացրած Դատավորների ու դատախազների բարձրագույն խորհրդի մասին օրենքի վերաբերյալ մտահոգություններ են ներկայացրել: Օրենքն իրավական կառույցների նկատմամբ եղած վստահությանը սպառնացող որակներ է պարունակում: 2010 թվականից սկասած արդարադատության վերավերյալ կառավարությա ներկայացրած բոլոր ռեֆորմներին օժանդակել եմ: Այս նախագիծը դատական համակարգի անկախության և եվրոպական արժեքների հետ չհամատեղվող տարրեր է պարունակում: Տարիներ շարունակ Թուրքիայի ԵՄ անդամությունը դիտարկել եմ որպես ԵՄ և Թուրքիայի համար շատ կարևոր մի նախագիծ: Տարիներ շարունակ այդ նախագծի ընդունման համար պայքարել եմ: Այսօր կառավարությա կատարած քայլերը օր օրի ավելի դժվար են դարձնում այդ պայքարը:

Պարոն նախագահ Թուրքիայի ԵՄ անդամության գործընթացը վտանգի չենթարկելու համար խնդրում եմ նման տեսքով չստորագրել ԴԴԲԽ վերաբերյալ Ձեզ ներկայացված օրենքը: Ի դեմս Ձեզ՝ Թուրքիայի բոլոր քաղաքական ուժերին կոչ եմ անում պաշտպանել ժողովրդավարությունը, Թուրքիայի և Եվրամիության ընդհանուր ապագան»:

Ermenihaber.am