Թուրքիայի ԵՄ անդամակցությունը հնարավոր է միայն Հայոց ցեղասպանության ճանաչմամբ

Ցեղասպանություն08:51, 08 Փետրվար 2014

Թուրքիայի ԵՄ անդամակցությունը հնարավոր է միայն Հայոց ցեղասպանության ճանաչմամբ

Ֆրանսիայում մարտ ամսին կայանլիք ՏԻՄ (տեղական ինքնակառավարման մարմիններ) ընտրություններում Փարիզի քաղաքապետի թեկնածու Անն Իդալգոն, ով ներկայացնում է իշխող Սոցիալիստական կուսակցությունը, հայտնել է, որ Թուրքիայի ԵՄ անդամակցությունը հնարավոր է միայն Հայոց ցեղասպանությունը ճանաչելու դեպքում:

Թուրքական «Ջիհան» լրատվական գործակալությունը հայտնում է, որ Փարիզի քաղաքապետի թեկնածուն 2 կարևոր հարց է բարձրացրել, առանց որոնց լուծման Թուրքիայի ԵՄ անդամակցությունը անհնար է համարում: Մեկը Թուրքիայի կողմից մարդու իրավունքների պաշտպանության հարցում իրական առաջընթացի գրանցումն է, իսկ մյուսը՝ Հայոց ցեղասպանության ճանաչումը:

Իդալգոն կողմ է արտահայտվել նաև Հայոց ցեղասպանության ժխտումը դատապարտող օրենքի ընդունմանը՝ հիշեցնելով, որ Ֆրանսիայի նախագահ Ֆրանսուա Օլանդը խոստացել է ընդունել նման օրենք, որը Սահմանադրական դատարանի կողմից չի մերժվի:

Իդալգո խոստացել է, որ քաղաքապետ ընտրվելու դեպքում կշարունակի ապրիլի 24-ին Փարիզի քաղաքապետարանի կողմից Հայոց ցեղասպանության հիշատակման ծրագրերը: Նա նաև հիշեցրել է, որ 2001 թվականից ի վեր նախկին քաղաքապետի հետ միասին մասնակցել է քաղաքապետարանում կազմակերպվող ցեղասպանության զոհերի ոգեկոչման միջոցառումներին:

Իդալգոն խոսք է տվել իրագործել նախկին քաղաքապետի խոստումը՝ ֆինանսապես աջակցել 2015 թվականին Հայոց ցեղասպանության 100 ամյակին նվիրված միջոցառումներին:

Իսկ Փարիզի քաղաքապետարանը կշարունակի աջակցել հայ համայնքին 2015 թվականին Փարիզում «Քաղաքակրթության և հայկական հիշողության կենտրոնի» ստեղծման գործում:

Ermenihaber.am

Այս ենթաբաժնի վերջին նորությունները

11:57, 27 օգոս

Իսրայելի վարչապետը ճանաչել է Հայոց ցեղասպանությունը (Տեսանյութ)

Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։