Քաղաքական08:35, 07 Փետրվար 2014
Էրդողանն ու Մերկելը խոսել են Հայոց ցեղասպանության մասին
Թուրքական «Հյուրիյեթը» մանրամասներ է ներկայացրել օրերս տեղի ունեցած Էրդողան-Մերկել հանդիպումից: Թերթը տեղեկացնում է, որ թուրք ու գերմանացի ղեկավարները խոսել են Թուրքիայում առաջիկայում տեղի ունենալիք նախագահական ընտրություններին Էրդողանի առաջադրվելու, ինչպես նաև Հայոց ցեղասպանության մասին:
Ընտրությունների մասին Մերկելի
հարցին Էրդողանը մի պահ հապաղել է պատասխանել, ինչի ընթացքում Մերկելն հումորով
ասել է. «Խոստանում
եմ ոչ ոքի չեմ ասի»:
Այնուամենայնիվ Էրդողանը կոնկրետ
պատասխան չի տվել ասելով. «Այս պահին մեր օրակարգում մարտի 30-ի (ՏԻՄ) ընտրություններն են: Մյուս թեմային (նախագահական ընտրություններ) կանդրադառնանք այն ժամանակ, երբ այն օրակարգային կդառնա»:
Հանդիպման օրակարգից դուրս չի մնացել նաև Հայոց ցեղասպանության թեման, որն, ինչպես «Հյուրիյեթն» է նշում, կողմերի միջև սառնություն է առաջացրել: Թեմային առաջինն անդրադարձած Էրդողանն ասել է. «1915 թվականի դեպքերի 100-ամյակի համար ձեր բյուջեներին վճարումներ են հատկացվում: Այդ խնդրի նկատմամբ ավելի զգայուն պետք է լինեք: Անհրաժեշտ է, որ զգուշացնեք ձեր խմբին»:
Մերկելն ի պատասխան ասել է. «Գերմանիան ժողովրդավարական երկիր է, չենք կարող միջամտություններ անել: Թուրքիային էլ անհրաժեշտ է առերեսվել պատմության հետ: Հայաստանում ապրող հայերին չպետք է նույնացնել այն հայերի հետ, որոնք ստիպված են եղել ցրվել աշխարհի տարբեր երկրներով մեկ: Հայաստանի հայերը դժվար կացության մեջ են: Թուրքիան պետք է բացի Հայաստանի հետ սահմանը»:
Էրդողանն էլ արձագանքել
է Մերկելի խոսքերին ասելով. «Ուզում եք մեզ ստիպել, որ ընդունենք
մի բան, որը չենք արե՞լ: Մենք պատմաբանների առաջ բացել ենք մեր բոլոր արխիվները: Ամբողջ աշխարհին գալու և ուսումնասիրելու կոչ ենք արել, սակայն ոչ ոք չի եկել: Թուրքիայի նկատմամբ անարդար մի եղեք»:
Ermenihaber.am
Այս ենթաբաժնի վերջին նորությունները
Օրակարգում է եղել ռազմարդյունաբերական համագործակցությունն ու Գազայում տիրող իրավիճակը:
ԱՄՆ Պետդեպի կողմից օգոստոսի 20-ին հրապարակված նամակում նշվել է, որ ԱՄՆ կառավարության բացասական դիրքորոշումը պահպանվում է:
Անկարայում Ինդոնեզիայի դեսպանը նշել է, որ ներկայիս հարաբերություններն ավելի ամուր են, քան երբևէ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Թուրքիայի տրանսպորտի և ենթակառուցվածքների նախարարությունը պատրաստվում է կիրառել «Ես լավ եմ և այստեղ եմ» հաղորդագրությունների համակարգը:
Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |