ERMENI HABER AJANSI

Թուրքիայում լույս է տեսել «Խոսում են Անկարայի հայերը» աշխատությունը: Ըստ թուրքական «Հյուրիյեթ» թերթի` «Հրանտ Դինքի հիմնադրամի» կողմից հրատարակված գիրքը անդրադառնում է Թուրքիայի մայրաքաղաք Անկարայում ապրած ու ապրող հայերի պատմությանը:  Գիրքը «Լռության ձայնը» աշխատության 3 հատորներից մեկն է: Առաջին հատորը կոչվում է «Խոսում են Թուրքիայի հայերը» , երկրորդը` «Խոսում են Դիարբեքիրի հայերը», իսկ ահա 3-րդ գրքի հերոսները Անկարայի հայերն են: Գրքում տեղ են գտել անկարացի հայերի հետ անցկացված 10 հարցազրույց:

Ստորև ներկայացնում ենք հատվածներ գրքից, որտեղ անկարացի հայերը պատմում են իրենց կյանքի մասին. 

35-ամայ տղամարդ «Դպրոցում սկսեցի կամավոր հաճախել կրոնի դասերի: Կրոնամոլ ուսուցիչը սկսեց ինձ հատուկ ուշադրություն դարձնել: Գիտեևր, որ հայ եմ ու ցանկանում էր իր կրոնը ինձ պարտադրել: Իսկ երբ սպանվեց Հրանտ Դինքը ,ես բանակում էի: Երբեք չեմ մոռանա այն զգացումը, երբ գիտակցեցի, որ ինձ շրջապատող ոչ մի զինծառայող Դինքի մասին լավ չի արտահայտվում»: 

67-ամյա տղամարդ. « Ես հայկական ազգանուն ունեի, սակայն երբ ազգանվան օրենքը դուրս եկավ, մեզ ասեցին` «օրենք պահաջում է, որ թուրքական ազգանուն վերցնեք»: Երեխաներիս հայկական անուններով անվանակոչեցի  ու աղջիկս անվան պատճառով դպրոցում շատ դժվարություններ ունեցավ: Հետաքրիր է, որ, երբ իմ մասին հարցնում են, այստեղ բոլորը ասում են «Այս մարդը մահմեդական չէ, բայց ազնվիվ մարդ է» :

Նշենք, որ մինչև 1915 թվականը Անկարայում ապրել է 28 հազար 858 հայ, որոնց 70%-ը կաթոլիկ են եղել: 

Ermenihaber.am