Թուրք պրոֆեսորի կարծիքով գյուլենական շարժումը Թուրքիայի համար մեծ սպառնալիք է

Տարածաշրջան08:33, 17 Հունվար 2014

Թուրք պրոֆեսորի կարծիքով գյուլենական շարժումը Թուրքիայի համար մեծ սպառնալիք է

Մարմարայի համալսարանի իրավաբանական ֆակուլտետի պրոֆեսոր Օսման Ջանը Թուրքիայի կոռուպցիոն սկանդալի և ներիշխանական ճգնաժամի մասին իր տեսակետն է հայտնել: Բրիտանական «Financial Times» պարբերականում տեղ գտած նրա հոդվածում նշվում է, որ Թուրքիան ճգնաժամի մեջ է հայտնվել դատարանի կայացրած որոշ վճիռների պատճառով ու այդ ճգնաժամն էլ կորոշի ժողովրդավարության ճակատագիրը երկրում:

Թուրքիայի վարչապետ Ռեջեփ Էրդողանի գլխավորած «Արդարություն և զարգացում» կուսակցության (ԱԶԿ-AKP) անդամ Օսման Ջանը համոզմունք է հայտնել, որ գյուլենական ուժերին հարող դատախազները ցանկանում են կոռոպցիայի դեմ պայքարի տպավորություն թողնել, բայց իրականում թիրախ են դարձրել «ԱԶԿ»-ին ու կառավարությանը:

Օսման Ջանիի բնորոշմամբ` գյուլենական շարժումը հակաաշխարհիկ բնույթ ունի և հիմնված է պահպանողական, ազգայնական հողի վրա:

«Այդ շարժման նպատակն է պետությունը ներսից նվաճել և ստեղծել գերիշխանություն»,- կարծիք է հայտնում ԱԶԿ-ական իրավաբանը: Իր տեսանկյունից վերլուծելով Թուրքիայում կատարվող վերադասավորումները` պրոֆեսոր Ջանը գրում է. «Բանակի գերիշխանության վրա հենված համակարգի դեմ պայքարի ժամանակ գյուլենականներն աջակցություն ցույց տվեցին «ԱԶԿ»-ին» և շահեցին վերջինիս վստահությունը: Բայց պայքարի վերջում գյուլենականները լցրեցին զինվորականներից հետո մնացած դատարկ տեղը: Ցավոք, կառավարությունը հաջողության չհասավ կանխարգելիչ միջոցներ ձեռնարկելու հարցում: Թուրքիայի համար այսօր մեծ սպառնալիք են ստեղծում կրոնական խաղաթուղթը ձեռքներին պահած գյուլենականները»:

Նշենք, որ գյուլենական կոչվող իսլամական վերոնշյալ շարժումը (համայնք) գլխավորում է ամերիկաբնակ թուրք միլիարդատեր Ֆեթուլլահ Գյուլենը: Շարժումն ունի հարյուրավոր դպրոցներ աշխարհի բազմաթիվ մահմեդական երկրներում: Այդ դպրոցները հանդիսանում են ինչպես համայնքի գաղափարների տարածման հիմնական օջախը, այնպես էլ վերջինիս եկամուտների ապահովման աղբյուրը:

Գյուլենականները համարվել են Թուրքիայում իշխող «Արդարություն և զարգացում» կուսակցության քաղաքական հենարանը: Շարժումը քարոզում է իսլամական չափավորություն, հանդուրժողականություն, միջկրոնական երկխոսութուն, իսլամի և ժողովրդավարության համատեղելիություն: Կարծիք կա, որ Գյուլենը մեծ ազդեցություն ունի թուրքական կառավարության և ուժային կառույցների վրա:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։