Թուրք պատմաբաններն ուռճացնում են ցեղասպանությունից փրկված հայերի թիվը

Ցեղասպանություն12:42, 15 Հունվար 2014

Թուրք պատմաբաններն ուռճացնում են ցեղասպանությունից փրկված հայերի թիվը

Շվեյցարական Ժնև քաղաքում բնակվող պատմաբան Մեհմեթ Շյուքրյու Գյուզելը բացահայտել է հայ բնակչության թվաքանակի վերաբերյալ թուրք պատմաբանների զեղծարարությունները: Ըստ Գյուզելի «Մերձավոր Արևելքի օգնության միություն» կազմակերպության ներկայացուցիչները 1921 թվականին զեկույց էին պատրաստել հայ բնակչության թվաքանակի վերաբերյալ, ինչն էլ պատմաբանների կողմից սխալ է հաշվարկվել: Մեհմեթ Շյուքրյու Գյուզելն այս եզրահանգմանն է եկել ՄԱԿ-ի գրադարանում կատարած ուսումնասիրություններից հետո:

Այս մասին տեղեկացնող թուրքական «Վաթան» թերթը մեջբերում է Գյուզելի խոսքերը.
«Մեծ Բրիտանիայի և ԱՄՆ-ի լրտեսների կողմից (նկատի ունի «Մերձավոր Արևելքի օգնության միությունը»-խմբ.) պատրաստված զեկույցում նշվում է, որ Օսմանյան կայսրությունում ապրող, փախստականի կարգավիճակով աշխարհի տարբեր երկրներ ցրված, անձնագրերը փոխած հայերի ընդհանուր թիվը 817 873 է կազմում: Այս տվյալը ներառում է նաև այդ թվականին (1921-խմբ.) Ստամբուլում և երկրի արևելյան շրջաններում մնացած հայ բնակչության թիվը, որը ըստ նույն զեկուցի, եղել է 281 հազար մարդ: Սակայն ԱՄՆ արխիվային փաստաթղթերից մեկում տեղ գտած հայտարարության պատճառով մեծավ մասամբ թուրք պատմաբանները 817 հազար թիվը վերագրել են փախստական հայերին՝ դրան գումարելով 281 հազար: Ստացված թվին գումարել են նաև ԱՄՆ արխիվային փաստաթղթում նշված 95000 հայ կանանց և երեխաների թիվը և ստացել 1 193 873 մարդ»:

Գյուզելը հավելել է, որ այդպիսով թուրք պատմաբանները մեծ սխալ են գործում՝ 2 անգամ հաշվելով Թուրքիայում մնացած 281 հազար հայերի թիվը:

Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։