Էրդողան. «Հայերի սև քարոզչության առաջ մենք ամուր կանգնելու ենք»

Տարածաշրջան14:01, 15 Հունվար 2014

Էրդողան. «Հայերի սև քարոզչության առաջ մենք ամուր կանգնելու ենք»

Թուրքիայի վարչապետ Ռեջեփ Թայիփ Էրդողանն ընդունել է դեսպանների 6-րդ համաժողովի մասնակիցներին: Դեսպանների պատվին տրված ընթրիքի ժամանակ Թուրքիայի վարչապետը խոսել է Հայոց ցեղասպանության 100-ամյա տարելիցին նվիրված հայկական սփույռքի նախաձեռնությունների մասին:

Թուրքական «Դունյա բուլթենի» լրատվականի կայքի փոխանցմամբ` էրդողանը նշել է, թե Հայկական սփյուռքը պատրաստվում է 1915 թվականը միակողմանի ներկայացնել և վերածել քաղաքական արշավի: «Այդ սև քարոզչության առաջ մենք ամուր կանգնելու ենք»,- ասել է Էրդողանը:
Ըստ նրա` Թուրքիայում փորձեր եղել են սրբագրել պատմությունը, այլ կերպ ներկայացնել, սակայն թուրք ժողովուրդը սուտ պատմության մոլորության մեջ չի ընկել:

Հիշեցնենք, որ թուրք դեսպանների հետ հանդիպել էր նաև Թուրքայի նախագահ Աբդուլլահ Գյուլը: Վերջինս նույնպես անդրադարձել էր Հայոց ցեղասպանության 100-ամյակին՝ նշելով, թե հավանականություն կա, որ Թուրքիան կարող է բացասական լույսի ներքո ներկայացվել միջազգային ասպարեզում: Գյուլը թուրք դեսպաններին մասնավորապես հանձնարարել է անել ամեն հնարավորը, որպեսզի թուրքական պետությունը կրկին աշխարհի աչքին փայլի և դրական լույսի ներքո երևա:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։