Ցեղասպանություն07:51, 16 Դեկտեմբեր 2013
Օքթայ Վուրալ. «Թուրքիայի իշխանությունները պատրաստվում են ընդունել Ցեղասպանությունը»
Թուրքական «Գորշ գայլեր» ծայրահեղական խմբավորման քաղաքական թևը հանդիսացող «Ազգայնական
շարժում» կուսակցության պատգամավոր Օքթայ Վուրալը, ելույթ ունենալով
խորհրդարանում, քննադատության է ենթարկել արտգործնախարար Ահմեթ Դավութօղլուին
Հայաստան կատարած այցի համար: Ընդդիմադիր կուսակցության պատգամավորին խիստ զայրացրել
է Դավութօղլուի խոսքերն այն մասին, թե 1915-ին իրականացված տեղահանությունն
անմարդկային և սխալ արարք է եղել երիտթուրքերի կողմից:
«Դու ֆրանսիացի նախարա՞ր ես ինչ է, միջնո՞րդ ես: Դու թուրքական կողմի շահերը պաշտպանող պաշտոնյա՞ ես, թե՞ ինչ: Փոխանակ բացատրես, թե այդ տեղահանության թեմային ինչպես է նայում թուրք ազգը, դու «անմարդկային արարք» ես բնորոշում դա: Հանցագործության մասին այդ ակնարկով դու թուրք ազգի անցյալն ես վաճառում: Հասկանալի է, որ «Արդարություն և զարգացում» կուսակցությունը (ԱԶԿ-AKP) պատրաստվում է ճանաչել ցեղասպանությունը: Այո, այդ խոսքով դուք հայերին արդարացի եք դարձնում ու օրինականացնում նրանց պնդումները: Փաստորեն Թուրքիան արդեն հրաժարվել է պաշտպանությունից և հանձնվելու հմար պատրվակ է փնտրում»,- ըստ «Անադոլու» լրատվական գործակալության` դժգոհություն է հայտնել Օքթայ Վուրալը:
Նա նաև համոզմունք է հայտնել, որ Թուրքիայի ԱԶԿ-ական իշխանությունները պատրաստվում են ընդունել Հայոց ցեղասպանությունը և 200 հազար հայերի վերադարձնել ու հողեր հանձնել: Վուրալը, ժխտողական քաղաքականությանը տուրք տալով, դարձյալ պնդել է, որ նախորդ դարասկզբի տեղահանությունն իրականացվել է բացառապես անվտանգությունից նկատառումներով և էթնիկ բնույթի ոչ մի պատճառ չի ունեցել:
Ermenihaber.am
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |