Հասարակական10:25, 26 Նոյեմբեր 2013
Նա կարող է լինել Դիարբեքիրի պետական նվագախմբի առաջին հայը
Ուդի վարպետ Երվանդ Բոստանջըն, ով 21 տարի ԱՄՆ-ում բնակվելուց հետո վերադարձել է հայրենիք՝ Դիարբեքիր (պատմական Աղձնիք), դիմել է Թուրքիայի Մշակույթի և զբոսաշրջության նախարարություն Դիարբեքիրի դասական թուրքական երաժշտության պետական նվագախմբի կազմում ընդգրկվելու համար:
Նախարարության կողմից սահմանված քննությունը հանձնելու դեպքում Բոստանջըն Դիարբեքիրի պետական նվագախմբում կլինի առաջին հայը: Այժմ Բոստանջըն, որպես հրավիրյալ երաժիշտ ամսական 800 թուրքական լիրա աշխատավարձ է ստանում:
Թուրքական «Հաբերլեր» լրատվական կայքը հայտնում է, որ Դիարբեքիրում Բոստանջըն ֆինանսական դժվարություններ է ունեցել, ինչը հաստատել է նաև արվեստագետը: Նա հայտնել է, որ ԱՄՆ-ից վերադառնալուց հետո առաջին գործը Դիարբեքիրի նվագախմբում ընդգրկվելու համար մշակույթի նախարարությանը դիմելն է եղել:
«Առաջին քննությունը հանձնելուց հետո սեպտմեբերին ընդունվեցի որպես հրավիրյալ արվեստագետ: Մինչդեռ ԱՄՆ-ում ամսական 4 հազար դոլար էի վաստակում: Իսկ այստեղ ստանում եմ 800 լիրա, որով (մոտ 400 դոլար-խմբ.) անհնար է գոյատևել: Առաջին տունը, որը վարձակալել էի, ստիպված եղա թողնել, քանի որ չէի կարողանում վարձը ժամանակին վճարել: Այժմ մեկ այլ տուն եմ վարձակալել: Բջջային հեռախոսս արգելափակվել է 90 լիրա պարտքի պատճառով: Հին ընկերներիս օգնությամբ փորձում եմ գոյությունս պահպանել: Պարտքեր էլ ունեմ»,- ասել է Բոստանջըն՝ հույս հայտելով, սակայն, որ ամսի 27-ին կհանձնի նախարարության կողմից սահմանված քննությունը և աշխատանքի կանցնի Դիարբեքիրի նվագախմբում:
Բոստանջըն նշել է նաև, որ երջանիկ կլինի նվագախմբում լինել առաջին հայը:
Ermenihaber.am
Այս ենթաբաժնի վերջին նորությունները
«Թուրքիայի վիճակագրական ինստիտուտի» տվյալների համաձայն՝ ամենից շատ օգտագործվող սոցցանցը Whatsapp-ն է:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Զբոսաշրջության եւ ճանապարհորդության համաշխարհային խորհուրդը (WTTC) հրապարակել է 2024-ի համաշխարհային զբոսաշրջության ոլորտում ամենաբարձր եկամուտներ ունեցող երկրների ցանկը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |