Haber10. Հայ-թուրքական սահմանի բացման հարցը գարնանը կգա օրակարգ

Քաղաքական08:40, 23 Նոյեմբեր 2013

Haber10. Հայ-թուրքական սահմանի բացման հարցը գարնանը կգա օրակարգ

Թուրքիան գործողությունների է անցել` կովկասյան տարածաշրջանում խաղաղություն հաստատելու: Արտաքին գործերի նախարար Ահմեթ Դավուօղլուն մեկնելու է Երևան: Այս մասին հայտնում է թուրքական «Հաբեր10» լրատվական կայքը` նշելով, որ Հայոց ցեղասպանության 100-ամյա տարելիցին ընդառաջ Թուրքիան ձեռնամուխ է եղել Կովկասում խաղաղություն հաստատելու գործին:

Լրատվամիջոցը նկատել է տալիս, որ Դավութօղլուի հղած ուղերձներից ուրվագծվող սցենարի համաձայն` Հայաստանն Ադրբեջանին եթե հանձնի Ղարաբաղի հարակից շրջաններից երկուսը, դա կգոհացնի Ադրբեջանին և իրական հող կստեղծվի հայ-թուրքական սահմանի բացման համար:

«Գարունը դրական ազդեցություն կունենա հայ-թուրքական հարաբերությունների վրա: Սահմանի բացման հարցը կգա օրակարգ: Սահմանի բացումը տնտեսական ճգնաժամ ապրող Հայաստանի տնտեությանը վերակենդանացնող շունչ կհաղորդի: Դուրս յգա, որ հայկական պնդումների (Հայոց ցեղասպանություն - խմբ.) 100-ամյա տարելիցին ընդառաջ Թուրքիան հաջող դիվանագիտական գրոհ արած կլինի և Սփյուռքի` Թուրքիայի դեմ ուղղված աշխատանքները հօդս կցնդեն: Սպասվում է, որ դեկտեմբերի 12-ին Սևծովյան տնտեսական համագործակցություն կազմակերպության ժողովին մասնակցելու համար Դավուօղլուն կմեկնի Երևան»,- գրում է «Հաբեր 10»-ը:

Ermenihaber.am