Թուրքիայի և Բելառուսի միջև հանվում է վիզային ռեժիմը

Միջազգային12:35, 01 Նոյեմբեր 2013

Թուրքիայի և Բելառուսի միջև հանվում է վիզային ռեժիմը

Թուրքիայի արտգործախարար Ահմեթ Դավութօղլուն հանդես է եկել հայտարարությամբ, որտեղ նշել է, որ շուտով Թուրքիայի քաղաքացիներն առանց վիզայի կկարողանան այցելել է նաև Բելառուսի հանրապետություն: Թուրքական «Սաբահ» թերթը հայտնում է, որ ավարտվել է Թուրքիայի արտգործնախարար Ահմեթ Դավութօղլույի և Բելառուսի արտգործնախարար Վլադիմիր Մակեյի հանդիպումը: Ըստ նույն աղբյուրի՝ Ստամբուլում նախարարների հադիպումը տեղի է ունեցել դռնփակ պայմաններում՝ առանց լրագրողների ներկայության: Հանդիպումից հետո տեղի ունեցած մամուլի ասուլիսի ժամանակ նախարարները պատասխանել են լրագրողների հարցերին:

Դավութօղլուն լրագրողներին հիշեցրել է, որ դեռ մարտ ամսին երկու երկրների միջև վիզային արտոնություններ սահմանելու վերաբերյալ պայմանգիր է ստորագրվել, իսկ ներկայումս պայմանագրով նախատեսված գործընթացը ավարտական փուլում է և առաջիկա օրերին Թուրքիայի և Բելառուսի քաղաքացիները կկարողան առանց մուտքի արտոնագրի այցելել միմյանց երկրներ: Դավութօղլուն անդրադարձել է նաև թուրք-բելառուսական տնտեսական հարաբերություններին՝ նշելով, որ երկկողմանի հարաբերությունները պետք է լինեն ամենաբարձր մակարդակի վրա և այդ հարցում իրենք վճռական են:

Ermenihaber.am