Հասարակական14:13, 28 Հոկտեմբեր 2013
Թուրք լրագրող. «Ծիծեռնակաբերդում կրակն անմար է, իսկ մեխակները` միշտ թարմ»
Երևանում գտնվող թուրք լրագրող, «Թարաֆ» թերթի հոդվածագիր Օզլեմ Էրթանը, իր «Ցեղասպանության
հուշարձանում կնոջ թախծոտ ձայնը» վերնագրով հոդվածում կիսվում է Ծիծեռնակաբերդից և Հայոց ցեղասպանության թանգարանից ստացած իր
տպավորություններով:
Ստորև ներկայացնում ենք թուրք լրագրողի հոդվածը` որոշակի կրճատումներով.
«Հուշարձան բարձրանալիս օդի ջերմաստիճանը գնալով իջնում
է: Մրսելով`վերարկուիս կոճակները կոճկում եմ: Կամ Երևանի
կենտրոնի և Ցեղասպանության հուշարձանի գտնվելու վայրի միջև ջերմաստճանային
տարբերություն կա, կամ ես եմ այդպես զգում:
Ցեղասպանության հուշարձանին հասնելու պես կանացի մի ձայն է լսվում, թախծոտ
հայկական մեղեդի .Դլե յաման է երգում կինը: Գեղեցիկ և զգացմունքային ձայնը ծիծեռնակի
պես թևածում է օդում…
Ցավոտ անցյալի վկայությունները
Ցեղասպանության թանգարանը 98 տարի առաջվա մղձավանջը
արտացոլող հայելու է նման: 1915 թվականին տեղի ունեցածի մասին պատմող
լուսանկարների, փաստաթղթերի կողքով անհնար է պարզապես թանգարան այցելող մի
զբոսաշրջիկի նման հանգիստ անցնել: Հուզվում ես, տխրում. լուսանկարների մարդկանց
դեմքերին նայելիս սիրտդ ցավում է:
Առաջին բաժնում արևմտյան` այսինքն Անատոլիայի
հայերի մինչև 1915 թվականը ապրած կյանքի մասին է պատմվում: Հին թերթեր, մարդահամարի
տվյալներ, եվրոպացի զբասաշրջիկների` Արևմտյան հայերի առօրյայի մասին նոթեր և այլ
մանրամասներ:Թանգարանի գլխավոր սրահը նվիրված է Հայոց ցեղասպանությանը:
Մահվան երթ
Հայոց
ցեղասպանության հիշատակի օր համարվող ապրիլի 24-ին 235 հայ մտավորականներ
ձերբակալվել են ու ուղարկվել մի ճանապարհորդության, որը մահով պետք է ավարտվեր:
Թանգարանում նրանց նկարներն եմ նայում: Գրիգոր Զոհրապ, Դանիել Վարուժան, Կոմիտաս
և այլոք: Անատոլիայի հայ հասարակության ինտելեկտուալները, որոնք մի քանի օրում բնաջնջվեցին:
Ցավի դաջվածքները
Դիտում ենք ռմբակոծված հայկական եկեղեցիների լուսանկարները: Այդ ժամանակաշրջանում
2 հազարից ավել եկեղեցի է ոչնչացվել: Ոչ միայն մարդիկ, այլ նաև նրանց հետքերն են
ջնջվել:
Այստեղ դաջված կանանց նկարներն էլ կան: Ընտանքիներին կորցրած, բռնությամբ մահմեդականացված,
թուրքացված, քրդացված հայ կանայք : Թանգարանի վերջին բաժնում նրանց նկարներն են:
Բոլորի ճակատներին նույն դաջվածքն է: Իրենց ապրած ցավի, ամոթի խորհրդանիշը
հանդիսացող դաջվածքներով պատմության մի մութ կետում կանգնած մեզ են նայում:
Անատոլիայի 12 վիլայեթները և անմար կրակը
«Թանգարանից դուրս գալով քայլում ենք դեպի ցեղասպանության հուշարձան: Դլե յամանը
դեռ հնչում է: Անատոլիայի հայերի ապրած 12 վիլայեթները խորհրդանշող քարե սյուների
ներսում անմար կրակն է վառվում: Կրակն անմար է, իսկ ցեղասպանության զոհերի հիշատակին դրվող մեխակները` միշտ թարմ…»:
Ermenihaber.am
Այս ենթաբաժնի վերջին նորությունները
ՄԱԿ-ը հրապարակել է 2024-ի աշխարհի ամենաշատ բնակչություն ունեցող երկրների ցանկը։
«Թուրքիայի զբաղվածության գործակալությունը» հրապարակել է քաղաքացիների զբաղվածության տվյալները։
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |