ԱՄՆ-ն Թուրքիային համարում է «սթրեսի աղբյուր»

Միջազգային09:23, 26 Հոկտեմբեր 2013

ԱՄՆ-ն Թուրքիային համարում է «սթրեսի աղբյուր»

Հայտնի է դարձել, որ Ամերիկայի Միացյալ Նահանգների (ԱՄՆ) հատուկ ծառայությունները գաղտնալսում են աշխարհի 35 երկրների առաջնորդների հեռախոսազրույցները: Բրազիլիայից և Մեքսիկայից հետո պարզվեց, որ Գերմանիայի կարևորագույն գործիչները ևս ամերիկյան հետախուզության թիրախում են:

Այս փաստը, ըստ թուրքական «Զաման» կայքի, մեծացնում է հավանականությունը, որ գաղտնալսվող լիդերների ցուցակում կա նաև Թուրքիայի վարչապետ Ռեջեփ Թայիփ Էրդողանը: Որպես հիմնավորում վկայակոչվում է ԱՄՆ հետախուզության նախկին աշխատակից Էդվարդ Սնոուդենից «արտահոսած» որոշ փաստաթղթեր, որոնք բրիտանացի լրագրող Գլեն Գրինվալդը հրապարակել է Բրազիլիայի Գլոբո հեռուստաալիքի եթերով

Այդ փաստաթղթերում նշվում է, որ Վաշինգտոնին անհանգստացնում է Բրազիլիայի և Թուրքիայի աշխարհաքաղաքական կշռի մեծացումը: Բացի այդ Թուրքիան մի շարք այլ երկրների հետ համարվում է «սթրեսի աղբյուր» տարածաշրջանային կայունության հարցում: Այդպիսով Թուրքիան Բրազիլիայի, Մեքսիկայի, Իրանի, Սաուդյան Արաբիայի, Սոմալիի, Սուդանի և Եմենի հետ միասին հայտնվել է մի կատեգորիայի մեջ, որտեղ դեռ հստակեցված չի այդ երկրներն ԱՄՆ-ի համար «թշնամի ՞ են, բարեկա ՞մ են, թե՞ պռոբլեմ են»:

Ermenihaber.am