Թուրք բլոգեր. «Հայ եմ, անհավատ եմ և հարբած եմ, ու ի՞նչ»

Հասարակական11:00, 21 Հոկտեմբեր 2013

Թուրք բլոգեր. «Հայ եմ, անհավատ եմ և հարբած եմ, ու ի՞նչ»

Ռոտերդամի Իսլամական համալսարանի թուրք ռեկտոր Ահմեդ Աքգյունդուզը օրերս սկանդալային հայտարարություն էր արել՝ ասելով, որ Ստամբուլի Գեզի զբոսայգու իրադարձությունները հայերի, անհավատների, ՔԲԿ-ականների, հարբեցողների ձեռքի գործն է։

Թուրք ռեկտորի այս հայտարարությունը խիստ արձագանք է գտել Հոլանդիայի խորհրդարանում և հայտարարության հետ կապված Հոլանդիայի խորհրդարանում քննարկում է տեղի ունեցել, որի ժամանակ Հոլանդիայի փոխվարչապետը նշել էր, թե Աքգյունդուզի հայտարարությունը հենց այնպես չի մարսվելու։

Թուրքական «Ռադիքալ» թերթի բլոգում այսօր հրապարված «Հայ եմ, անհավատ եմ և հարբած եմ, ու ի՞նչ» վերնագրով հոդվածում հեղինակ Սերհաթ Հալիսը սուր քննադատւթյուններ է հնչեցնում թուրք ռեկտորի հասցեին, ով հայկականությունը, հարբած լինելը և անհավատությունը որակում է որպես բացասական հատկանիշներ:

Հեղինակը գրում է, որ ռեկտորի բացասական որակած հատկանիշները իրականում խոսում են հենց իր բացասական հատկանիշների մասին:

«Հայ լինելը բացասականացնելը ռասիզմի դրսևորում է: Նույն ձևով էլ անհավատության բացասականացումը, այն էլ Իսլամական համալսարանի ռեկտորի կողմից, ցույց է տալիս աթեիստների և այլ կրոններ դավանողների հանդեպ իր կրոնամոլությունը»: Անդրադառնալով հայերի ու հայկականության հասցեին հնչեցրած վիրավորանքներին`Սերհաթ Հալիսը գրում է.

«Որպես մեկը, ով իր գենետիկ կոդերում հայկականություն ունի` ուզում եմ ռեկոտորին ասել, որ բոլորովին պետք չէ վախենալ հայերից: Քանզի Ստամբուլի սրտում` խմբագրության շենքի առջև, Հրանտ Դինքին մեջքից խփելու «խիզախությունը» ունեցողը հայ չէր: «Հարգելի» ռեկտոր, դու պետք է վախենաս 1915 թվականին այս երկրում ապրող 1.5 միլիոն հային կոտորած, հայ չհանդիասացողներից:

Մի մոռացիր և հիշիր`մի «բանի» ճիշտ կամ սխալ լինելու չափանիշը , այդ «բանը» իրականացնողի հայ լինել-չլինելով չէ պայմանավորված: Եթե պետք է, ռեկտորին կասեմ` «Հայ եմ, անհավատ եմ, հարբած եմ, հա ու մի բան էլ` «գեզիական» էլ եմ»:

Ermenihaber.am

Այս ենթաբաժնի վերջին նորությունները

13:28, 04 հուլ

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։