Իսրայելցի պաշտոնյա. «Էրդողանը Իսրայելին թշնամի է դիտում»

Միջազգային07:55, 19 Հոկտեմբեր 2013

Իսրայելցի պաշտոնյա. «Էրդողանը Իսրայելին թշնամի է դիտում»

Օրերս տեղեկություններ տարածվեցին այն մասին, որ Թուրքիան օգնել է Թեհրանին բացահայտել Իսրայելի հետախուզության` Մոսսադի օգտին աշխատող 10 իրանցի լրտեսների ինքնությունը: Այդ մասին հայտնեց «Washington Post»-ի հայազգի սյունակագիր Դավիթ Իգնատիուսը:

Անկարան կտրականապես հերքեց այդ տեղեկությունը, իսկ Իսրայելը նախընտրեց լռություն պահպանել պաշտոնական մակարդակով: Միայն բավարարվեցին այնքանով, որ արտաքին հարաբերությոնների նախարար Յուվալ Սթեինիտզը հայտարարեց. «Վերջին տարիներին հարաբերությունները Թուրքիայի հետ այն չեն, բայց հուսանք, որ առաջիկայում հօգուտ ամենքի կբարելավվեն հարաբերությունները»:

Իսկ ահա իսրայելական մամուլին մոտ կանգնած իշխանական անանուն աղբյուրները հայտնել են, որ «Մավի Մարմարայի» դեպքերի կապակցությամբ Իսրայելի ներողությունից հետո «վերակենդանացող» թուրք-իսրայելական հարաբերությունները «խցանվել են»: Չնայած ԱՄՆ նախագահ Օբամայի գործադրած ջանքերին` Թուրքիայի հետ ոչ մի համաձայնություն չի կայանում, թուրքերը չեն ուզում առաջ մղել հարաբերությունները: Մեկ այլ իսրայելցի պաշտոնյա էլ «Yedioth Ahrano» թերթին ասել է, որ Թուրքիայի վարչապետ Ռեջեփ Թայիփ Էրդողանը Իսրայելին թշնամի է դիտում, կանգնում է Իսրայելի ամենամեծ թշնամիների կողքին ու եթե հակաիսրայելական քայլ էլ անի, դա զարմանալի չի լինի:

Ermenihaber.am