ԱՄՆ-ի պատասխանը Էրդողանին. Ասադին ահաբեկիչ չենք կարող անվանել

Միջազգային16:37, 09 Հոկտեմբեր 2013

ԱՄՆ-ի պատասխանը Էրդողանին. Ասադին ահաբեկիչ չենք կարող անվանել

ԱՄՆ պետքարտուղարության մամուլի խոսնակ Մարի Հարֆը ասուլիսի ժամանակ անդրադարձել է Թուրքիայի վարչապետ Ռեջեփ Թայիփ Էրդողանի կողմից ԱՄՆ պետքարտուղար Ջոն Քերրիի հասցեին հնչեցված քննադատական արտահայտություններին: Թուրքական «Ռադիկալ»-ի հաղորդմամբ՝ Էրդողանի նման արտահայտությունների առիթ էր Քերրի կողմից Ասադի մասին ասված դրական խոսքերը, որոնք նա ասել էր քիմիական զենքի ոչնչացման մասին պայմանավորվածություն ձեռք բերելու գործում Ասադի ցուցաբերած պատրաստակամության համար: Հարֆը, շեշելով, որ Ասադի լեգիտիմության հարցում ԱՄՆ-ը իր կարծիքը չի փոխել, ասել է . «ՄԱԿ Անվտանգության խորհրդի կողմից ընդունված և Ասադի կառավարության կեղմից ի կատար ածվելիք որոշումները, դեռ չի նշանակում, որ Ասադի ռեժիմը լեգիտիմ է: Ասադի ռեժիմը պետք է հեռանա, իսկ ստանձնած պարտավորությունները նրանից հետո եկող կառավարությունը նույնպես կարող է կատարել: Այս մասին Ջոն Քերրին նույնպես ասել է»:

Մեկնաբանելով Թուրքիայի վարչապետ Ռեջեփ Թայիփ Էրդողանի կողմից հնչեցված «Ասադին պետք է ահաբեկիչ ճանաչել» արտահայտությունը՝ ասել է. « Կարող եմ ասել, թե նա իչքան վատ մարդ է ու իր ժողովրդի համար վատ ու լեգիտիմությունը կորցրած ղեկավար, սակայն ահաբեկիչ տերմինը չեմ կարող օգտագործել»: