Թուրքիայում հայ կաթոլիկ դպրոցը վերածում են հյուրանոցի

Հասարակական08:47, 07 Հոկտեմբեր 2013

Թուրքիայում հայ կաթոլիկ դպրոցը վերածում են հյուրանոցի

Թուրքիայում դատական գործընթաց է սկսվել «Անարատ հղիություն» հայ կաթոլիկ օրիորդաց դպրոցը առանց թույլտվության վերակառուցելու համար:

Թուրքական «Հաբեր թուրք» լրատվական կայքը հայտնում է, որ դպրոցը հյուրանոցի վերածելու նպատակով առանց թույլտվության շինարարություն սկսելու համար դատարանի առջև կկանգնեն դպրոցի հիմնադրամը տնօրինող և շինարարությունը իրականացնող ընկերության ղեկավարները՝ ընդհանուր առմամբ 7 հոգի, որոնց նկատմամբ 2-5 տարվա ազատազրկում է պահանջվում:

Մեղադրանքում նշվում է, որ հյուրանոցի վերակառուցման նախագիծը սկզբում հաստատվել էր, սակայն մասնագետների կողմից պատրաստված տեխնիկական զեկույցից հետո համապատասխան պետական մարմինը որոշել էր վերանայել նախագիծը: Այս որոշմանը հակառակ հետագայում պարզվել էր, որ վերակառուցման աշխատանքները ավարտին էին հասցվել:

Պատասխանող կողմն էլ հերքում է իր մեղքը՝ նշելով, որ շինարարական աշխատանքների համար ունեցել են բոլոր անհրաժեշտ թույլտվությունները՝ այդ թվում մշակույթի պահպանության կոմիտեի կողմից տրված թույլտվությունը:

Նշվում է, որ «Անարատ հղիություն» հայ կաթոլիկ օրիորդաց դպրոցը գտնվում է Ստամբուլի Բեյօղլու թաղամասում: Այն 1978 թվականին գրանցվել է, որպես պատմամշակութային արժեք, իսկ 1993 թվականից ընդգրկվել է քաղաքի տեսարժան վայրերի ցուցակում:

Ermenihaber.am

Այս ենթաբաժնի վերջին նորությունները

13:28, 04 հուլ

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

16:58, 03 հուլ

Թուրքիայում 15 մարդ կձերբակալվի Էրդողանին վիրավորելու համար

Հուլիսի 1-ին Սարաչհանե հրապարակում ցույցի ժամանակ մի խումբ ցուցարարներ վիրավորել էին Էրդողանին և դիմադրել ոստիկանությանը:

14:43, 01 հուլ

Անկարայում կկայանա Թուրքիա-Չինաստան մեդիա ֆորումը

Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։