Տարածաշրջան15:12, 04 Հոկտեմբեր 2013
Ասադ. Շուտով Սիրիայի հյուսիսում գտնվող որոշ ահաբեկչական խմբավորումներ Թուրքիայի գլուխը կցավեցնեն
Սիրիայի նախագահ Բաշար Ասադը թուրքական «Halk TV»-ի հաղորդավար Էջե Զերեյջան և «Յուրթ» թերթի սյունակագիր Օմեր Օդեմիշին տված հարցազրույցում անդրադարձել է Թուրքիայի ՝ Սիրիայի նկատմամբ վարած քաղաքականությանը և Սիրիայի հյուսիսային շրջաններում գործունեություն ծավալող որոշ ռադիկալ ահաբեկչական խմբավորումներին:
Ասադը, իրեն հղված «Պարոն նախագահ, Ալ Քաիդա-ի և
Նուրսա ռազմաճակատի նման ռադիկալ կազմակերությունները տարածվել են Թուրքիայի սահմանի
մոտ: Արդյո՞ք հնարավոր է, որ տասնյակ հազարավոր զինված անդամներ ունեցող այս խմբավորումները
Թուրքիայի սահմանին մոտ նույնպիսի գործունեություն ծավալեն, ինչպիսին Սիրիայում են
ծավալում» հարցին ի պատասխան, ասել է. «Նման ռադիկալ կազմակերպությունները երկիր կամ
սահման չեն ճանաչում: Ժողովուրդներրին էլ չեն ընդունում: Ընդունում են միայն նրանց,
ովքեր կիսում են իրենց գաղափարները: Եթե նույնիսկ այդ գաղափարներին հարողները Ասիայի
ամենաարևելյան մասում լինեն, կհամարվեն իրենց եղբայրները, սակայն այս տարածաշրջանում
իրենց գաղափարները չկիսող ցանկացած մարդ, ըստ նրանց, կարող է սպանվել: Նրանց տեսանկյունից
Թուրքիայի և Սիրիայի միջև տարբերություն չկա:
Սիրիայի՝ կրակների
մեջ գտնվելու պայմաններում, Թուրքիան չի կարող անվնաս մնալ: Դա հնարավոր չէ: Նույնը
վերաբերվում է Իրաքին, Լիբանանին, Հորդանանին և մնացած հարևաններին: Իրականությունն
այն է, որ այդ ահաբեկիչների մի մասը Սիրիայի հողերի վրա է, իսկ մյուս մասը՝ Թուրքիայի
սահմանին: Եվ Սիրիայի հյուսիսում կատարվող բախումներին էլ կրակային աջակցություն է
ցույց տալիս: Մոտ ապագայում այդ ահաբեկիչները Թուրքիայի վրա ևս ազդեցություն կունենան,
և Թուրքիան դրա համար թանկ կվճարի, քանզի ահաբեկչությունը
կարիճի նման է՝ գրպանդ դնելիս առաջին հնարավորության դեպքում քեզ է խայթում»:
Ermenihaber.am
Այս ենթաբաժնի վերջին նորությունները
Մասնագետները հորդորում են անցնել ջրի խնայողությանը և ոռոգման նոր համակարգերի կիրառմանը:
50 գյուղից կաղմված ցանկում Թուրքիայի Օրթահիսարը զբաղեցրել է 40-րդ հորիզոնականը։
Ապրիլին ջրամբարների լցվածությունը կազմում էր 82 տոկոս իսկ հիմա՝ հազիվ 24 տոկոս։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ամերիկյան «The National Interest» ամսագիրը վերլուծություն է իրականացրել թուրքական արտադրության «KAAN» կործանիչների վերաբերյալ:
Հունական «Banking News» պարբերականը վերլուծություն է հրապարակել Թուրքիայի դիրքերի ամրապնդման մասին Արևելյան Միջերկրականում:
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Մոռացված թղթապանակը, որի մեջ եղել են գաղտնի տեղեկություններ, հայտնաբերվել է օդանավակայանի աշխատակիցների կողմից։
Նշվում է, որ թուրքերեը վերադառնում են Տրիպոլի և իրականացնում կապույտ հայրենիքի իրենց տեսլականը, այսինքն՝ ընդլայնում Միջերկրական ծովի նկատմամբ վերահսկողությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |