Թուրք հոդվածագիր. «Ժողովրդավարացման փաթեթից հետո մեր երկիրը ժողովրդավա՞ր է դառնալու»

Տարածաշրջան16:21, 03 Հոկտեմբեր 2013

Թուրք հոդվածագիր. «Ժողովրդավարացման փաթեթից հետո մեր երկիրը ժողովրդավա՞ր է դառնալու»

Թուրքական «Օdatv» կայքի հոդվածագիրը անդրադարձել է վարչապետ Էրդողանի կողմից ներկայացված «Ժողովրդավարացման փաթեթին»՝ դիտարկելով այն ազգային փոքրամասնությունների տեսանկյունից.

«Այս տողեր գրելու համար շատ ժամանակ չունեմ, սակայն ասելիքս, թեկուզ համառոտ, բայց ուզում եմ կիսել ձեզ հետ: Եթե կուզեք վերջից՝ Ժողովրդավարության փաթեթից սկսենք:

Չանդրադառնալով փաթեթի բովանդակությանը՝ մի քանի հարցեր կառաջադրեմ, չնայած համոզված եմ՝ դրանց ոչ ոք չի կարող պատասխանել:

-Ինչու՞ է այն անվանվել «Ժողովրդավարացման փաթեթ»:

-Սրանից հետո մեր երկիրը ժողովրդավա՞ր է դառնալու:

-Թուրքաբնակ որևէ հրեա, հայ կամ հույն կարո՞ղ է ոստիկան դառնալ:

-Ռազմական դպրոցներում կգրանցվի՞ նրանց անունները:

Եթե նույնիսկ ռազմական դպրոցներում ուսանեն, ապա գնդապետ, գեներալ կամ գլխավոր շտաբի պետ կարո՞ղ են դառնալ:

Ուշադրություն դարձրե՞լ էք՝ մեր 80-ամյա ժողովրդավար երկրում երբեք չենք լսել ազգությամբ հույն որևէ դատախազի կամ դատավորի մասին: Արդյո՞ք սրանից հետո կլսենք:

Հիմա ուզում եմ ամենածանր հարցն ուղղել.

-Ազգային հետախուզության ծառայության ղեկավարը կարո՞ղ է հույն լինել: Ինչու՞ չլինի, եթե ժողովրդավարական երկրում ենք ապրում:

Անդրադառնանք երդմանը:

Երդումը հանվեց: Լավ, իսկ սրանից հետո այդ գործընթացն ինչպես է իրականանալու՞: Հատուկ հրեական լիցեյում դասը «Հրեա եմ, ճիշտ եմ աշխատասեր եմ» ասելով են սկսելու՞: Կամ արդյո՞ք Դիարբեքիրի դպրոցներում պիտի ասեն «Քուրդ եմ, ճիշտ եմ, աշխատասեր եմ»:

Ermenihaber.am

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։