Քաղաքական13:11, 30 Սեպտեմբեր 2013
Էրդողանը ներկայացրել է Թուրքիայի բարեփոխումների «ժողովրդավարացման փաթեթը»
Սեպտեմբերի 30-ին Թուրքիայի վարչապետ Ռեջեփ Թայիփ Էրդողանը հանրությանն է
ներկայացրել երկրի բարեփոխումենրի «ժողովրդավարացման փաթեթը»: Էրդողանը ելույթում նախ հիշատակել է Թուրքիայի նախկին
ղեկավարներ Ադնան Մենդերեսին, Թուրգութ
Օզալին և Նեջմեթթին Էրբականին, ապա
վերջիններիս շնորհակալություն է հայտնել: Ըստ Էրդողանի՝ չնայած մի շարք
խոչընդոտների, Թուրքիան երբեք չի հրաժարվել ժողովրդավարացումից, և ապագայում էլ չի
հրաժարվելու: Թուրքիայի վարչապետը նշել է, որ մինչ այսօր երկրի ժողովրդավարացման
ճանապարհի միակ ստվերող կետը եղել է 1960 թվականի մայիսի 27-ի հեղաշրջումը:
Թուրքական «Հյուրրիյեթ» օրաթերթը հայտնում է, որ Էրդողանի ելույթը տևել է մոտ 40
րոպե, որի ընթացքում վերջինս ներկայացրել է «ժողովրդավարացման փաթեթի» առանձին կետեր:
Թուրքիայի կառավարության կողմից պատրաստված նշյալ փաթեթը մի շարք ոլորտներում բարեփոխումներ է
նախատեսում: Բարեփոխմների մեջ է մտնում հատուկ դպրոցներում օտար լեզուների և
բարբառների ուսուցանելու արգելքի վերացումը, պետական կառույցներում կթույլատրվի
գլխաշորի ազատ կիրառումը՝ ըստ ցանկության: Փոփոխություններ են նախատեսվում նաև
ընտրական օրենսգրքում, ըստ որի, արդեն քաղաքական կուսակցությունները կկարողանան
իրենց մայրենի լեզվով և բարբառներով քարոզչություն իրականացնել: Այն հիմնականում
ուղղված է երկրի ազգային և կրոնական փոքրամասնությունների, ինչպես նաև մարդու
իրավունքների, ազատությունների ընդլայմանը:
Այս ենթաբաժնի վերջին նորությունները
Օրակարգում է եղել ռազմարդյունաբերական համագործակցությունն ու Գազայում տիրող իրավիճակը:
ԱՄՆ Պետդեպի կողմից օգոստոսի 20-ին հրապարակված նամակում նշվել է, որ ԱՄՆ կառավարության բացասական դիրքորոշումը պահպանվում է:
Անկարայում Ինդոնեզիայի դեսպանը նշել է, որ ներկայիս հարաբերություններն ավելի ամուր են, քան երբևէ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
ԱՄՆ Պետդեպի կողմից օգոստոսի 20-ին հրապարակված նամակում նշվել է, որ ԱՄՆ կառավարության բացասական դիրքորոշումը պահպանվում է:
Թուրքիայի տրանսպորտի և ենթակառուցվածքների նախարարությունը պատրաստվում է կիրառել «Ես լավ եմ և այստեղ եմ» հաղորդագրությունների համակարգը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |