Գյուղացիների և զինվորականների միջև լարված միջադեպ թուրք-իրաքյան սահմանին

Միջազգային08:10, 25 Սեպտեմբեր 2013

Գյուղացիների և զինվորականների միջև լարված միջադեպ թուրք-իրաքյան սահմանին

Սեպտեմբերի 25-ին Թուրքիա-Իրաք սահմանին բնակիչների և զինվորականների միջև միջադեպ է գրանցվել: Դեպքը տեղի է ունեցել Թուրքիայի և Իրաքի սահմանային գոտում գտնվող Հաքարրի Չուքուրջա շրջանի Ուզումլու գյուղում: Գյուղի բանկիչները, սահմանային հողամասերից վերադառնալիս, կանգնեցվել են զինվորականների կողմից: Ինչի հետևանքով գյուղացիների և զինվորականների միջև լարված միջադեպ է գրանցվել: Զինվորներից մեկը նախազգուշական կրակ է օդ արձակել: Գյուղացիները նշում են, որ իրենց շրջանը մշտապես շրջափակված է զինվորականներով, և իրենք չեն կարողանում ազատ շրջել իրենց հողամասերում:

Թուրքական «փոսթա» լրատվական կայքը հաղորդում է, որ պատահարի հետ կապված իրենց բողոքը արտահայտելու նպատակով գյուղի բնակիչներից կազմված մի խումբ ուղևորվել է դեպի Չուքուրջայի շրջկենտրոն: Սակայն զինվորականները նրանց կանգնեցրել և հորդորել են չդիմել նման քայլի: Արդյունքում ձեռք է բերվել պայմանավորվածություն, որի համաձայն, ընտրված 15 անձանց դիտողությունները և բարձրացված խնդիրները գյուղացիների անունից կներկայացվեն շրջանի ղեկավարին և Չուքուրջայի 20-րդ սահմանային բրիգադի հրամանատար, գեներալ-մայոր Իրֆան Օզերթին:

Ermenihaber.am