Թուրքերը Կանադայում սգացել են իրենց սպանված դիվանագետների և սպանված ցուցարարների հիշատակը

Միջազգային08:10, 23 Սեպտեմբեր 2013

Թուրքերը Կանադայում սգացել են իրենց սպանված դիվանագետների և սպանված ցուցարարների հիշատակը

Կանադայի մայրաքաղաք Օտտավայում թուրքերը հիշատակման արարողություն են կազմակերպել 1982-ի օգոստոսի 27-ին «Հայաստանի ազատագրության հայ գաղտնի բանակ»-ի (ASALA) կողմից ոչնչացված թուրք գնդապետ Աթիլլա Ալթըքաթի և նույն ճակատագրին արժանացած այլ թուրք դիվանագետների համար: Այն վայրը, որտեղ սպանվել է Աթիլլան, կանգնեցվել է հուշարձան, որի մոտ էլ կազմակերպվել է վերոնշյալ միջոցառումը:

Ըստ թուրքական «Hurriyet» պարբերականի` ներկա են գտնվել Կանադայում Թուրքիայի դեսպանը, Կանադայի արտաքին և հյուպատոսական գործերով պետնախարարը, Կանադայում Ադրբեջանի դեսպանը, պատգամավորներ և այլք:

«Այստեղ մենք չենք հավաքվել որևէ մեկին կամ որևէ ժողովրդի մեղադրելու համար, այլ` թուրք հասարակության միասնությունն և համերաշխությունը կենդանի պահելու համար»,- ասել է Կանադայում Թուրքիայի դեսպան Թունջայ Բաբալըն:

Նշվում է նաև, որ այդ ընթացքում զուգահեռ մի խումբ ակտիվիստներ թուրքերեն և անգլերեն գրությամբ պաստառներով և մեխակներով բողոքի լուռ միջոցառում են անցկացրել: Նրանք Աթիլլայի նկարի շուրջ դրել են նաև ամռանը Թուրքիայի Գեզիի ցույցերի ժամանակ իշխանությունների կողմից սպանված ցուցարարների լուսանկարները:

Ermenihaber.am