ERMENI HABER AJANSI

Թուրքական «TRT» հեռուստաընկերության լրատվական հաղորդումներից մեկի ժամանակ ուշագրավ միջադեպ է տեղի ունեցել: Հաղորդման արաբերեն ծառայության եգիպտացի հաղորդավար Բեշիր Աբդֆելֆեթթահը ուղիղ եթերում քննադատել է Թուրքիայի վարչապետ Ռեջեփ Թայիփ Էրդողանի` Եգիպտոսի հանդեպ վարած քաղաքականությունը, ապա ինքնակամ ազատվել աշխատանքից: Աբդֆելֆեթթահ ասել է, որ Էրդողանը պարտավոր է Եգիպտոսի ժողովրդից ներողություն խնդրի: Ըստ թուրքական «Sozcu» լրատվական կայքի` նա հեռուստաեթերում հայտնել է, որ ինքը հայրենասեր է, և մինչ այսօր թուրքական հեռուստաեթերում աշխատելու համար իր հայրենակիցներից ներողություն է խնդրել, ապա տեղեկացրել է իր` հեռուստաընկերությունից հեռանալու մասին:

Եգիպտացի հաղորդավարը մասնավորապես ասել. «Եգիպտոսի ժողովուրդը Թուրքիայի ժողովրդին շատ է սիրում: Այստեղ կասկած չկա: Առաջնորդները իրենց մեջ հակամարտություններ կարող են ունենալ: Սակայն երկու ժողովուրդների միջև որևէ հակամարտություն չկա:  Հարգելի Էրդողանի` Էզհերի և Եգիպտոսի մասին հայտարարությունները և նրա քաղաքական կեցվածքը սխալ եմ համարում: Մարդկային շահերը և այլ շատ բաներ մի կողմ թողնենք: Հայրենասիրությունը առաջնային է: Այդ իսկ պատճառով այսօր այստեղ իմ վերջին հաղորդումն է, ուզում  եմ հայտնել, որ «TRT» հեռուստաընկերության արաբական ծառայության հետ իմ համագործակցությունը դադարեցնում եմ: Էրդողանը, Եգիպտոսի ժողովրդից  պարտավոր է ներողություն խնդրել:  Նա դա դեռ չի արել: Բայց ես այստեղ ներողություն եմ խնդրում Եգիպտոսի ժողովրդից: Ով ներողություն չի խնդրում, նա թող ամաչի: Ամաչում եմ այս հեռուստաընկությունում, այս հաղորդումը վարելու համար»:

Ermenihaber.am