Թուրքիան ծերացող երկրների մեջ ամենավերջինն է Եվրոպայում

Միջազգային09:01, 26 Օգոստոս 2013

Թուրքիան ծերացող երկրների մեջ ամենավերջինն է Եվրոպայում

Թուրքական «Հյուրրիյեթ» պարբերականը ներկայացրել է Եվրոպայի վիճակագրական ծառայության (Eurostat) հետազոտության արդյունքները երկրների բնակչության տարիքային կազմի վերաբերյալ:

Ըստ այդմ` Իտալիան ծերացող երկրների շարքում ճանաչվել է առաջինը , որտեղ 80 ավելի բարձր տարիք ունեցողների թիվը մյուս երկրների համեմատությամբ ամենաբարձրն է: Իտալիայում միջին տարիքային խմբի մեջ մտնող քաղաքացիները կազմում են 43.8 տոկոս, իսկ տարեց բնակչությունը` 6.1 տոկոս: Իտալիային կրնկակոխ հաջորդում է Ֆրանսիան` համապատասխանաբար 40.2 և 5.5 տոկոսային ցուցանիշներով: Ծերացող երկրների եռյակը Եվրոպայում եզրափակում է Գերմանիան (45 % և 5.4 %):

Թուրքիայում այս առումով դրությունը բավականին լավ է: 37 երկրներից կազմված ցանկը հենց Թուքրիան է եզրափակում` ունենալով 80 և ավելի բարձր տարիք ունեցող բնակիչների ամեննվազ տոկոսը (1.4) մյուս երկրների ժողովրդագրական ցուցանիշնրի համեմատությամբ: Իսկ միջին տարիքային խմբի մեջ մտնողները կազմում են Թուրքիայի բնակչության 29.7 տոկոսը:

Ermenihaber.am