Դանիաբնակ թուրք. «Բոլոր չինացիներին պետք է 140 ատիճանում վառել ու ոչնչացնել»

Միջազգային13:34, 16 Օգոստոս 2013

Դանիաբնակ թուրք. «Բոլոր չինացիներին պետք է 140 ատիճանում վառել ու ոչնչացնել»

Դանիական Հելսինգոր քաղաքի ավագանու անդամ, Դանիայի Սոցիալ դեմոկրատական կուսակցության ներկայացուցիչ ազգությամբ թուրք Ֆուաթ Յալանի կողմից «Facebook» սոցիալական ցանցում տեղադրված «Բոլոր չինացիներին պետք է 140 ատիճանում վառել և ոչնչացնել» արտահայտությանը Չինաստանի և Դանիայի միջև հարաբերություններ սրման պատճառ են դարձել: Իսկ կուսակցությունը պահանջել է Ֆուաթի հեռացումը կուսակցության շարքերից:

Ճգնաժամի մեղմման համար Պեկինում Դանիայի դեսպանատունը հայտարարություն է տարածել որտեղ ասվում է, որ Ֆուաթ Յալանը Դանիան չի ներկայացնում, և նրա խոսքերը արտահայտում են միայն նրա տեսակետը: Իսկ նրա հայտարարության վերաբերյալ ոստիկանությունը գործ է հարուցել:

Իր հերթին Ֆուաթ Յալանը, մեկնաբանելով իր հայտարարությաունը, ասել է, որ մի ֆիլմ է դիտել, որտեղ չինացիները տանջանքների էին ենթարկում մի թուրք ույղուրի, ինչի հետևանքով նրա հոգեբանական վիճակը խաթարվել է և այդ արտահայտությունը գրելու պատճառ դարձել: Նա ասել է, որ սխալ է արել այդ ցանկությունը (այրելու և ոչնչացնելու) տարածելով բոլոր չինացիների վրա` ավելացնելով, որ այն պետք է վերաբերեր միայն ույղուր թուրքերին տանջանքների ենթարկածներին: Նա ասել է նաև, որ չնայած իր ներողություն խնդրելուն` խնդիրը շատ է չափազանցվել, նույնիսկ որոշ շրջանակներ այն կապել են Հայոց ցեղասպանության հետ` համարելով իրեն ծայրահեղ ազգայնական:

Ավելացնենք նաև, որ Դանիայում ապրող ոչ մեծաթիվ չինացիները Յալանի դեմ հայց են ներկայացրել ոստիկանություն` մեղադրելով նրան ռասիզմի մեջ:

Ermenihaber.am