ERMENI HABER AJANSI

Թուրքական «Աքշամ» թերթում լույս է տեսել հոդվածագիր Ֆիքրեթ Այդեմիրի՝ Հայաստանի վերաբերյալ  հոդվածը:

Ստորև, որոշ կրճատումներով  ներկայացվում է հոդվածը. 

«Հայաստանի և Եվրամիության (ԵՄ) միջև ավարտվել են «Խորը և համապարփակ ազատ առևտրային գոտի» ստեղծելու վերաբերյալ  բանակցությունները: ԵՄ Արտաքին գերատեսչության բարձր ներկայացուցիչ Քաթերին Աշթոնը, ինչպես նաև Եվրոխորհուրդի (ԵԽ) հարևանության և ընդլայման հարցերով պատասխանատու Ստեֆան Ֆյուլեն Հայաստանի հետ ստորգվրած պայմանագրերի հետ կապված իրենց գոհունակությունն են հայտնել: Հայաստանը Եվրոպայի հետ անցած տարի 1 միլիարդ եվրոյի առևտուր է կատարել:  Հայաստանի արտաքին առևտրի 1/3 կատարվում է Եվրոպայի հետ: Վերոնշյալ պայմաագրով սպասվում ապրանքաշրջանառության ծավալների  ևս 15%-ի աճ: 

ԵՄ և Հայաստանի միջև «Խորը և համապարփակ ազատ առևտրային գոտի» ստեղծելու վերաբերյալ  բանակցությունների ավարտվելուն պես, հենց նույն օրը երեկոյան, բելգիական հեռուստաընկերությամբ Հայաստանի մասին փաստավավերագրական ֆիլմ է ցուցադրվել: Մի քանի տարի առաջ «Մեքքա գնացող ճանապարհը» վավերագրական ֆիլմերի շարքով ճանաչելիություն ձեռք բերած Ջան Լեյերը, այս անգամ, 11 մասից բաղկացած  «Երեկոյի երկիր գնացող ճանապարը» փաստավավերագրական ֆիլմերի շարքն է պատրսատել: «Մարդկության պատմության ճանապարհորդությունը» բաժնում մի ենթաբաժին  էլ Հայաստանին է առաձնացվել: 

Ֆիլմում Հայաստանի նախագահ Սերժ Սարգսյանի՝ երիտասարդներին ուղղված խոսքն է մեջբերվում. «Ղարաբաղը մենք հետ վերցրեցինք, իսկ Արարատը նվաճելու հերթը ձերն է»: Այս տողերը ֆիլմում շատ հաճախ էր ցուցադրվում: Ասվում է, որ Արարատը հայերի ազգային խորհրդանիշն է: Սակայն շեշտադրվում է, որ այս ազգային խորհդանիշը 70 տարի առաջ՝ սահման գծելիս, հանձնվեց «հավերժ թշնամի» Թուրքիային: Արարատ լեռը հայերի տեսանկյունից բավական կարևոր է: Քանի որ Նոյի տապանը հենց այս լեռան վրա է հանգրվանել: Եվ Նոյը, ով համարվում է առաջին մարդը, համարում են, որ հայ է եղել:

Հայաստանում և Երևանի փողոցներում բոլորի երազանքը Արարատ սարն է:  Այնտեղ՝ Խոր Վիրապում, մի վայր է ստեծվել, որտեղից կարելի է  տեսնել Արարատ սարը: Ֆիլմում  հանդիպում ենք Վերգինե Սվազլյանի հետ, ով իր կյանքը նվիրել է 1915 թվականնի իրադարձությունների պարզաբանմանը և լուսաբանմանը: Նա 1915 թվականի դեպքերի հիման վրա ավելի քան 70 գիրք է հեղինակել: Նրա երազանքը միակն է, որ Թուրքիան ճանաչի Հայոց ցեղասպանությունը և Արարատը միացվի Հայաստանին: Սվազյլանի խոսքերի համաձայն ԽՍՀՄ սահմանները 1990-ականներին վերստին առանձնացվեցին, Հարավսլավիայից էլ 7-8 նոր պետություն է ձևավորվել: «Ինչու՞ Հայաստանի և Թուրքիայի սահմանը վերստին չգծվի»  հարցը նա օրակարգ է բերում:   

Ֆիլմում երեք տարբեր թեմաներ են շեշտադրվում. 1915 թվականը, Արարատ լեռը և աղքատության պատճառով ԽՍՀՄ ժամանակաշրջանի հանդեպ կարոտը: Հայաստանում լրջորեն 2015 թվականին են նախապատրաստվում՝ ամբողջ աշխարհում 1915 թվականի դեպքերը հիշատակելու համար»:  

Ermenihaber.am