Սոմալիում Թուրքիայի դեսպանատան վրա զինված հարձակում է տեղի ունեցել

Միջազգային11:27, 29 Հուլիս 2013

Սոմալիում Թուրքիայի դեսպանատան վրա զինված հարձակում է տեղի ունեցել

Սոմալիի մայրաքաղաք Մոգադիշոյում գտնվող Թուրքիայի դեսպանատան վրա հունիսի 27-ին զինված հարձակում է տեղի ունեցել: Ահաբեկչության ժամանակ շենքի անվտանգության աշխատակիցներից մեկը զոհվել է և ևս 3 ոստիկան վիրավորվել է: Մոգադիշիոյում գտնվող թուրք բժիշկները վիրավորներին առաջին բուժօգնություն են ցույց տվել, այնուհետև նրանց շտապ օգնության ինքնաթիռով տեղափոխել են Թուրքիա: Թուրքիայի արտգործնախարարությունը դեպքի առնչությամբ գրավոր հայտարարություն է տարածել, որում խստորեն քննադատվել է ահաբեկչությունը, իսկ միջադեպի հետևանքով զոհված ծառայողի ընտանիքին, մերձավորներին և գործընկերներին ցավակցական ուղերձ է հղվել, ինչպես նաև մյուս վիրավորներին շտապ ապաքինում է մաղթվել:

Հայտարարության մեջ մասնավորապես ասվում է. «Սպասում ենք, որ Մոգադիշիոյում գտնվող Թուրքիայի դեսպանատան վրա իրագործված ահաբեկչության պատասխանատուները արագ կերպով կձերբակալվեն և արդարադատությանը կհանձնվեն: Թուրքիան եղբայրական սոմալի ժողովրդի կողքին է, և շարունակելու է օգնել նրան»: Ըստ թուրքական «Ինտերնետհաբեր» լրատվական գործակալության` ահաբեկչության իրագործելու պատասխանատվությունը ստանձնել է «Ալ Քաիդա» իսլամիստական շարժմանն իրեն համախոհ համարող «Ալ Շաբաբը»: Ինչպես նաև հաղորդվում է, որ թուրք դիվանագետները Սոմալիի իշխանություններին ցուցաբերած աջակցության պատճառով են որպես թիրախ ընտրվել:

Ermenihaber.am