Միջազգային10:13, 03 Հուլիս 2013
Թուրքական պատվիրակությունը մեկնել է ԱՄՆ` բանակցելու Թվիթերի հետ
Թուրքական «Հյուրիյեթ» թերթը տեղեկացնում է, որ այն բանից հետո, երբ Թվիթեր սոցցանցի ղեկավարությունը մերժեց թուրքական կառավարության Գեզի զբոսայգում բողոքի ակցիաների մասին տեղեկություններ ստանալու պահանջները, Թուրքիայի Կապի և տրանսպորտի նախարար Բինալի Յըլդըրըմի կարգադրությամբ` նախարարության և տեղեկատվական տեխնոլոգիաների ու հաղորդակցության խորհրդի ներկայացուցիչներն անցած շաբաթ մեկնել են ԱՄՆ Սիլիկոնային հովիտ` հանդիպելու սոցցանցի ղեկավարության հետ:
Նշվում է, որ Գեզի զբոսայգու դեպքերի զարգացումներում սոցցանցերը, այդ թվում նաև Թվիթերը մեծ դերակատարում են ունեցել:
Պատվիրակությունը սոցցանցի ղեկավարների հետ քննարկել է հարցեր, որոնք վերաբերվել են Թվիթերի միջոցով քրեական հանցագործություններին: Սպասվում է, որ եկող շաբաթ հայտարարություն կարվի Թվիթերի ղեկավարության հետ տեղի ունեցած հանդիպումների մասին:
Հիշեցնենք,
որ
Գեզի»
զբոսայգու խնդրի հետ
կապված դեպքերի վերաբերյալ Թուրքիայի վարչապետ Ռեջեփ Թայիփ Էրդողանը «Twitter» սոցիալական ցանցն անվանել է «անդորր խաթարող», քանի որ այդտեղ հրապարակվում էին բազմաթիվ գրառումներ թուրք ոստիկանների կողմից ցուցարարների հանդեպ բիրտ ուժի կիրառման վերաբերյալ: Ավելի ուշ Թուրքիայի կառավարությունը հանդես եկավ առաջարկով, որպեսզի «Twitter» և «Facebook» սոցիալական ցանցերը Թուրքիայում անցկացվող ցույցերի ժամանակահատվածում համագործակցեն երկրի կառավարության հետ:
«Twitter» սոցիալական ցանցի և նույնանուն ընկերության նախագահ Դիք Կաստոլոն Վաշինգթոնում տեղի ունեցած մամուլի-ասուլիսի ժամանակ հայտարարել էր, որ տեղյակ է «Twitter»-ի մասին Էրդողանի գնահատականից և հետևում է Թուրքիայում տեղի ունեցող իրադարձություններին: «Մենք չենք խմբագրում «Twitter»-ում տեղ գտած գրառումները, և հարթակն ինքնին նման խմբագրումների կարիք չունի»,-ասել է նա:
Ի
տարբերություն «Twitter»-ի` «Facebook» սոցիալական կայքը
նախնական մերժումից հետո,
այնուամենայնիվ, համաձայնել է հանդիպել թուրքական կառավարության ներկայացուցիչների հետ և քննարկել հնարավոր համագործակցության նախագիծը:
Ermenihaber.am
Այս ենթաբաժնի վերջին նորությունները
16:41, 12 սեպ
Ռուսաստանի դեմ ճապոնական պատժամիջոցների ցանկում կա 2 ընկերություն Թուրքիայից
Ճապոնիայի Առևտրի նախարարության հայտարարության համաձայն՝ որոշումը ուժի մեջ կմտնի սեպտեմբերի 19-ից։
15:17, 12 սեպ
Իսրայելի պաշտոնաթող գնդապետ. «Հաջորդը կարող է լինել Թուրքիան»
Մոշե Էլադը նշել է, որ հնարավոր հարձակման դեպքում չկա որևէ երաշխիք, որ ՆԱՏՕ-ն անվերապահորեն կաջակցի Թուրքիային։
12:53, 10 սեպ
Թուրքիան անհանգստացած է Տրիպոլիի շրջանում Եգիպտոսի գործողություններից
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Եղանակ
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
Այո0%
Ոչ0%
Չգիտեմ36.1%
Կբացվի ավելի ուշ63.9%
արտարժույթ
| EUR | TRY | USD |
| 549.84 | 90.05 | 485.12 |