Դավութօղլուի կոչը ՍԾՏՀ անդամ երկրներին

Միջազգային12:36, 20 Հունիս 2013

Դավութօղլուի կոչը ՍԾՏՀ անդամ երկրներին

Ուկրաինայի նավահանգստային Օդեսսա քաղաքում մեկտեղվել են Սևծովյան տնտեսական համագործակցություն կազմակերպության (ՍԾՏՀ) անդամ երկրների արտգործնախարարները: Թուրքիայի արտաքին գործերի նախարար Ահմեթ Դավութօղլուն նշել է, որ եվրաատլանտյան և եվրասիական տարածաշրջանների բարեկեցությունն ու կայունությունը կախված է սևծովյանից, քանի որ վերջինս գտնվում է տրանսպորտային հանգույցի և էներգակիրների փոխադրման գծի վրա:

Այդ իսկ պատճառով Դավութօղլուն անդամ երկրներին կոչ է արել կազմակերպությանն աջակցելու համար ավելի մեծ քաղաքական կամք ցուցաբերել և համատեղ նախագծի հիմնադրամում ներդրում ունենալ:

Դավութօղլուն հաջողություն է մաղթել Էդվարդ Նալբանդյանին կազմակերպության նախագահությունը Ուկրաինայից Հայաստանին անցնելու կապակցությամբ և Թուրքիայի անունից պատրաստակամություն հայտնել` նպաստելու Հայաստանի նախագահության շրջանի արդյունավետությանը:

Ծրագրված է, որ «ՍԾՏՀ» կազմակերպության անդամ երկրների արտգործնախարարների հաջորդ հավաքը կայանա Երևանում ընթացիկ տարվա դեկտեմբերի 12-ին:

Ermenihaber.am

Այս ենթաբաժնի վերջին նորությունները

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: