Միջազգային07:28, 13 Հունիս 2013
Գեզի զբոսայգին երկու մասի է բաժանել ամերիկաբնակ թուրքերին
Ստամբուլի կենտրոնական Գեզի զբոսայգու շուրջ ծավալվող իրադարձությունները և
մասսայական դժգոհության դրսևորումներն իրենց ազդեցությունն են թողել նաև
արտասահմանում բնակվող թուրքերի վրա: Բնապահպանականից սկսված, այնուհետև
հակակառավարականի վերածված բողոքի միջոցառումները, սակայն, ոչ միանշանակ են
ընդունվել թուրքական սփյուռքում: Մասնավորապես Միացյալ Նահանգներում բնակվող
թուրքերը այս հարցում բաժանված են երկու ճամբարների` Գեզին պահողների և Գեզին
հանձնողների:
Ըստ թուրքական «Գիրեսուն» էլ-կայքի` ԱՄՆ-ում ձևավորվել է «Ամեն ինչ հանուն Թուրքիայի» պլատֆորմը, որը ծրագրել է հունիսի 15-ի Նյու Յորքում բողոքի հանրահավաք անցկացնել և դատապարտել Թուրքիայում տեղի ունեցող ցույցերն ու զանգվածային անկարգությունները: Պլատֆորմի անդամները տարածել են մամուլի հաղորդագրություն, որտեղ մասնավորապես ասված է, որ զանգավածային անկարգությունները վնաս են հասցնում թուրքական պետության վարկանիշին: Ուշադրություն է հրավիրվել մասնավորապես այն հանգամանքին, որ փողոցային մարտերը, հրապարակային հանրահավաքները վտանգում են նաև զբոսաշրջությանը Թուրքիայում: Պլատֆորմն իր նպատակն է հռչակել Միացյալ Նահանգներում ապահովել թուրքական պետության և ներթուրքական խռովությունների մասին ճիշտ ընկալումը:
Հիշեցնենք, որ Հիշեցնենք, որ մայիսի 28-ից Թուրքիայում սկսված զանգվածային բողոքի ցույցերի պատճառն իշխանությունների քաղաքաշինական նոր ծրագիրն է, ըստ որի, Ստամբուլի կենտրոնական Գեզի զբոսայգու մեծ մասը պետք է ոչնչացվեր, իսկ ծառերը` հատվեին: Զբոսայգու ոչնչացմանն ու ծառահատմանն ընդդիմացած ցուցարարների դեմ թուրքական ոստիկանությունը բիրտ ուժ է կիրառել` օգտագործելով արտասվաբեր գազ, ջրցանմեքենաներ, պլաստիկ փամփուշտներ և հատուկջոկատայիններ: Հետևանքը եղավ այն, որ բնապահպանական բնույթի ցույցերն աստիճանաբար վերածվեցին հակառավարական ակցիաների և ընդգրկեցին Թուրքիայի տասնյակ քաղաքներ: Վերջին տվյալների համաձայն` կան հարյուրավոր ձերբակալվածներ, վիրավորներ և 4 զոհ:
Ermenihaber.am
Այս ենթաբաժնի վերջին նորությունները
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |