Սպիտակ տան և ՄԱԿ-ի արձագանքը Թուրքիայում ընթացող իրադարձություններին

Միջազգային14:09, 12 Հունիս 2013

Սպիտակ տան և ՄԱԿ-ի արձագանքը Թուրքիայում ընթացող իրադարձություններին

ԱՄՆ Սպիտակ տան Ազգային անվտանգության խորհրդի խոսնակ Քեյթլին Հայդենը Թուրքիայի Թաքսիմ հրապարակում և Գեզի զբոսայգում տեղի ունեցող իրադարձությունների վերաբերյալ գրավոր հայտարարությամբ է հանդես եկել, որտեղ մասնավորապես ասված է.

«Խոսքի ազատության իրավունքը օգտագործող անհատներին քրեական պատասխանատվության ենթարկելու ցանկացած նախաձեռնություն և սադրանքները ճնշելու ցանկացած կողմի գործադրած սաստիկ մեթոդները անհանգստացում են մեզ: Հավատում ենք, որ այսօրվա իրադարձությունների հետևանքով առաջացած խնդիրը երկխոսության միջոցով կլուծվի»:

Բացի այդ Միավորված Ազգերի Կազմակերպությունը (ՄԱԿ) ևս Թուրքիայի իրադարձությունների վերաբերյալ հայտարարություն է արել: ՄԱԿ-ի գլխավոր քարտուղար Բան Կի-Մունի անունից հանդես եկած խոսնակ Մարթին Նեսիրկին ասել է. «ՄԱԿ-ի գլխավոր քարտուղարը անհրաժեշտ է համարում, որ կողմերի միջև առաջացած տարակարծությունը չեզոքացվի երկխոսության միջոցով: Ժողովրդավարական երկրի հիմնական սկզբունքներից հանդիսացող հավաքական իրավունքի և խոսքի ազատության նկատմամբ պետք է հարգանք ցուցաբերել, իսկ ցույցերը պետք է խաղաղասիրական բնույթ կրեն»:

Ermenihaber.am