ERMENI HABER AJANSI

Հյուսիսային Կիպրոսի Թուրքական Հանրապետության (ՀԿԹԿ) նոր կառավարությունը, նախագահ Դերվիշ Էրօղլուի հանձնարարությամբ, ձևավորելու է ընդդիմադիր «Հանրապետական թուրք», «Միացյալ ուժեր» և «Դեմոկրատական» կուսակցությունների միասնական թեկնածու տկն Սիբել Սիբերը:

Հիշեցնենք, որ անցած շաբաթ ՀԿԹՀ-ի կառավարությունը ցրվել էր, քանի որ անվստահության քվեր էր ստացել խորհրդարանից: Իսկ մինչև այդ իշխող կուսակցության կառավարությունը խորհրդարանում արդեն զրկվել էր մեծամասնություն կազմող ուժ լինելուց, քանի որ կուսակցական 8 պատգամավոր վայր էին դրել իրենց մանդատները:

«Տեխնոկրատներից կառավարություն կազմող Սիբելը կլինի առաջին կին վարչապետը ՀԿԹԿ-ի 30 տարվա պատմության մեջ»,- նկատել է տալիս թուրքական «Զաման» պարբերականը:

Նշենք, որ թուրքական զորքերը Կիպրոսի հյուսիսում բնակվող թուրքերին պաշտպանելու պատրվակով 1974-ին ներխուժել են կղզի և օկուպացրել վերջինիս տարածքի գրեթե 40 տոկոսը: Այնտեղ ստեղծել են Հյուսիսային Կիպրոսի Թուրքական Հանրապետություն , որը մինչ օրս ճանաչել են միայն Թուրքիան և Նախիջևանի Ինքնավար Հանրապետութունը:

Ermenihaber.am