Անգլիան զգուշացնում է Թուրքիա մեկնող իր քաղաքացիներին

Միջազգային15:30, 10 Հունիս 2013

Անգլիան զգուշացնում է Թուրքիա մեկնող իր քաղաքացիներին

Թուրքական «Փոսթա» էլեկտրոնային լրատվականի հաղորդմամբ` Անգլիայի արտաքին գործերի նախարարությունը Թուրքիա մեկնող իր քաղաքացիներն` հատկապես Ստամբուլի օդանավակայաններում վայրէջք կամ թռիչք կատարողներին, զգուշացրել է հեռու մնալ ամեն տեսակ բողոքի գործողություններից: Անգլիայի արտգործնախարության պաշտոնական կայքում տեղադրված հաղորդագրության մեջ նշված է Թուրքիայում ցուցարարների հիմնական կենտրոնատեղիները, ըստ որի, այս օրերին առավել ռիսկային են համարվում Ստամբուլի Թաքսիմ հրապարակը և հարակից հատվածները, Անկարայում` «Քըզըլայի» (Կարմիր խաչ) և կառավարության շենքերի շրջակայքը, Իզմիրում` քաղաքի կենտրոնը և ծովափնյա հատվածը:

Հայտարարության մեջ հիշեցվում է, որ Թուրքիայի տուրիստական կենտրոններ հանդիսացող քաղաքներում ևս ցույցեր են տեղի ունենում, սակայն դրանք դեռևս խաղաղ բնույթ են կրում:

Համաձայն Անգլիայի արտաքին գործերի հաղորդած տվյալների` տարեկան 2.5մլն անգլիացի է այցելում Թուրքիա:

Նշենք, որ իրենց քաղաքացիներին ուղղված նմամատիպ զգուշացումներով են հանդես եկել նաև Սիրիան և ԱՄՆ-ը:

Ermenihaber.am