Բրիտանական մամուլի արձագանքը Թուրքիային

Միջազգային09:19, 04 Հունիս 2013

Բրիտանական մամուլի արձագանքը Թուրքիային

Թուրքիայում շարունակվող զանգվածային խռովություններն ու բողոքի միջոցառումներն ազդեցություն են ունենալու երկրի միջազգային վարկանիշի վրա: Այդ մասին են վկայում նաև արտասահմանյան մամուլի բազմաթիվ հրապարակումները: «CNNTurk» լրատվականը մասնավորապես անդրադարձել է բրիտանական մամուլի արձագանքին:

BBC

Ստամբուլի Բորսայի արժութային ինդեքսը կընկնի մոտ 10 տոկոսով: Արժութային անկում կունենա նաև Թուրքիայի ազգային արժույթը` լիրան: Ցույցերն ու բախումները անհանգստություն են առաջացրել օտարերկրյա ներդրողների շրջանակներում: Վաշինգտոնում ռազմավարական հետազոտությունների միջազգային կենտրոնի Թուրքիայի ծրագրի ղեկավար Բյուլենթ Ալիռըզան հայտարարարել է, որ զանգվածային անկարգությունները բացասաբար կազդեն Թուրքիայի հեղինակության վրա աշխարհում:

Financial Times

«Dundee» համալսարանի պրոֆեսոր Փիթեր Քամերոնը թուրքական իշխանություններին մեղադրել է կանաչ գոտու համար պայքարող քաղաքացիներին սովետական մոտեցում ցուցաբերելու համար: Մինչև մայիսի 31-ը ցուցարարները բողոքը խաղաղ բնույթ ուներ, նրանց շարքերում կային երիտասարդներ, կանայք, միջին տարիքային խմբի մարդիկ, բայց մայիսի 31-ին այդ խաղաղ զանգվածների դեմ օգտագործվեցին ջրցան մեքենաներ, արտասվաբեր գազ, կամայական ձերբակալություններ:

The Guardian

Զանգվածային բողոքի ալիքն ավելի է թեժանում վարչապետ Էրդողանի և կառավարության` դեպի ավտորիտարիզմ տանող պահվածքի պատճառով:

The Daily Telegraph

Թաքսիմի հրապարակը դարձավ վերջին տարիների ամենազորեղ հակակառավարական ցույցերի վայրը: Ռեջեփ Թայիփ Էրդողանը փաստորեն անկարգությունների մեջ մեղադրեց ընդդիմությանը:

Ermenihaber.am