Ռուսաստանի նախազգուշացումը Թուրքիային

Միջազգային14:46, 31 Մայիս 2013

Ռուսաստանի նախազգուշացումը Թուրքիային

Նախօրեին Ադանայի ոստիկանության հայտարարություն էր տարածել, որի համաձայն Թուրքիայի Ռեյհանլը քաղաքում իրականացված պայթյունների գործով Ալ Քաիդայի և դրա հետ կապված Ալ Նուրսա ճակատի դեմ իրականացված օպերացիայի արդյունքում ձերբակալված 12 կասկածյալներից 5-ն ազատ է արձակվել, իսկ կասկածյալների բնակության վայրերի խուզարկությամբ հայտնաբերվել 2 կգ «Զարին» տեսակի թունավոր գազ:

Մոսկվայում կազմակերպված մամլո ասուլիսին է Ռուսաստանի արտգործնախարար Լավրովն ասել է. «Մենք մեր թուրք պաշտոնակիցներից արդյունքների հետ կապված օպերատիվ և ամբողջական լուրերի ենք սպասում: Իրավիճակը շատ լուրջ է: Մշտապես քիմիական զենքի մասին խոսողները մի հետաքրքիր խաղ են խաղում: Այս Թեմայի հետ կապված մանրամասն հետաքննության ենք սպասում:

Իսկ Ռուսաստանի արտգործնախարարության մամլո խոսնակ Ալեքսանդր Լուկաշեվիչն ասել է, որ իրենք լրջորեն հետաքրքրվում են քիմիական զենքի կիրառման թեմայով և երբեք թույլ չեն տա նման զենքի կիրառում: նա նաև ավելացրել է, որ Սիրիայի կառավարությունը բազմիցս պարտավորվել է ներքին կռիվներում քիմիական զենք չօգտագործել և որ Ռուսաստանը Սիրիայից դրա համար ստացել է բոլոր երաշխիքները: Լուկաշևիչը, ասելով, որ հնարավոր է` Սիրիայի ներքին հակամարտությանը արտաքին միջամտություն ցուցաբերելու հնարավորություն ստեղծելու համար է խաղարկվում քիմիական զենքի կիրառումը, ասել է. «Ցավոք Թուրքիայից եկող լուրերը ցույց են տալիս որ այս տեսակ մտահոգությունները իրական են: Մենք հավատում ենք, որ ահաբեկչական խմբավորումների կողմից քիմիական զենք կիրառելու միջոցով դրսի միջամտության համար ճանապարհ բացելու հետ կապված փաստերը բոլոր մանրամասնություններով կհետաքննվեն»:

Ermenihaber.am